LECCIÓN 60
Gonitheze lobeʼlodza
Tzalaka chi bseediloʼ Biblia lhen yodarhi ki libroni, tazian ta chi byedielo ki Jeobá. Nia kie yelarheke napalho Dios chi gonirhe lhen nakalha chi bdechhi kuinloʼ laweʼ kan chi bhenloʼ bautismo kioʼ. Cheʼ kone rhonloʼ, nakalha chi rhonloʼ kuenda gonloʼ. Sanlhe katiʼ chi bhenloʼ bautismo kioʼ, rhala yeenithesloʼ lobeʼlodza. Na a nesloʼ. Wazeke yeyonloʼ tzotzo tan zualho gago lhen Jeobá tzalasa. Ni uyorha nákaʼ.
1. Bixhkieʼ rhala yeyonthesloʼ tzotzo yelazuagago kioʼ lhen Jeobá
Rhala gonrha gazelho sekerha kuenda yeyonrha tzotzo yelazuagago kierha lhen Jeobá, bixhkieʼ. «Na kan ku yekuasarha» lhen yezuarha zitoʼ lhen leʼ (Hebreos 2:1). Bi gon rhoʼo yodarhi na gákarha lilhachhiʼ lhen gonthesrha chhin ki Jeobá. Tan yogoniaʼ ktzalajrha ki Dios lhen yiguilhajrha nákaʼ wazeke gonrha másrhe lo chhin kieʼ (blaba Filipenses 3:16). ¡Ku dia ta zaakatherhe kasla ta gonrha chhin ki Jeobá! (Salmo 84:10).
2. Bi rhala tzeatheslo gonloʼ
Nikla chi zaa rheyochhi tan rseediloʼ, to gzolhosloʼ nakalho beneʼ wenchhin ki Dios. Biblia rnhe to to beneʼ wenchhin ki Dios rhala «yiyake beneʼ kobi» (Efesios 4:23, 24). Cheʼ ku ksanloʼ tan rseediloʼ Xhtidzaʼ Dios kan ta rhedobiloʼ lhen yechhi kieʼ, weyedieloʼ másrhe ki Jeobá lhen ka beneʼ nakeʼ. Beguilhaj nákaʼ wazeke gluelho rhonloʼ kanha rhonhe, na byo cheʼ dia ta rhala yotzaalho kuenda gzualho yatzayolaj Jeobá.
3. Nákaʼ gon lueʼ yodarhi Jeobá na yeenilho lobeʼlodza
Biblia rnhe: «Dios […] usiochhie tan rseediene leʼn. Leʼ gakalhenhe leʼn, leʼ gonhe leʼn tzotzo» (1 Pedro 5:10). Yogotherha rhasorha lawe ta rheenhe siʼnha rhoʼo. Sanlhe Jeobá rhone ta rkinherha kuenda ku dzachezirha (Salmo 139:23, 24). Lhezekan leʼ rkiebe gone kioʼ yelarzelachhiʼ kan yelarzeke na tzeanelachhilone (blaba Filipenses 2:13).
KSEEDIRHA MÁSRHE KI TANÍ
Ni uyorha bi wazeke gonloʼ na yeenitheslo lobeʼlodza lhen bi banheza gona kioʼ Jeobá.
4. Ku ksanloʼ tan rledzalho Dios
Tan gledzalho Jeobá lhen kseediloʼ Xhtidzeʼ chi bhen lueʼ yodarhi na sualho gago lhen leʼ. A wazeke lagazi taní gon lueʼ yodarhi na sualho másrhe gago lhen leʼ. Nákaʼ.
Le ulaba Salmo 62:8 na le ktzalaj ki taní:
-
Tan gonloʼ oración másrhe chhiaʼ wegon lueʼ yodarhi sualho gago lhen Jeobá. Nákaʼ waka gonloʼ kan.
Le ulaba Salmo 1:2 na le ktzalaj ki taní:
-
Tan kseediloʼ chhiaʼ Xhtidzaʼ Dios gon lueʼ yodarhi na sualho másrhe gago lhen Jeobá. Nákaʼ wazeke gonloʼ kan.
Nákaʼ wazeke gonloʼ banheza tan kseediloʼ Xhtidzaʼ Dios towalazalo. Kuenda inezelo bi waka gonloʼ, le uyo VIDEO. Denhaʼ le ktzalaj ki taní:
-
Ki ta ude lo video, bi rheenhelo gonloʼ.
-
Bi kie rheenhelo kseediloʼ.
5. Bzua ta gonloʼ lobeʼlodza
Ta gon lueʼ yodarhi na yeenilho lobeʼlodza naka tan gzualho bi gonloʼ lo chhin ki Jeobá. Le uyo VIDEO na le ktzalaj ki taní:
-
Nákaʼ bhen yodarhi Cameron uzuabi ta gombi lo chhin ki Dios.
Klaga yogotherha wazeke dzasuarha yito país na ktzalajrha ki Dios. Sanlhe yogorha wazeke gzuarha ta gonrha ta wazeketerha. Le ulaba Proverbios 21:5 na le ktzalaj kanho bi wazeke gonloʼ...
-
... lo yechhi ki Dios.
-
... lo wetzalaj ki Dios.
Nákaʼ wazeke gon lueʼ yodarhi textoni na gonloʼ tan rheenhelo.
Ta wazeke gonloʼ
-
Gonloʼ oración másrhe chhiaʼ.
-
Glabalo idothe Biblia.
-
Gombhelho yogothe beneʼ bichirha lhen nigolha zanrha ki congregación ga rhealho.
-
Kseedieloʼ to beneʼ ta zaa lo Biblia.
-
Gákalho precursor auxiliar o regular.
-
Cheʼ nakalho benebguioʼ, gonloʼ gazelho sekelho na gákalho siervo ministerial.
6. ¡Uxhiʼ banheza yelaneban kioʼ tzalasa!
Le ulaba Salmo 22:26 na le ktzalaj ki taní:
-
Bi rhala gonloʼ na siʼlho banheza ki yelaneban tzalasa.
TA CHI BYEDIERHA
Bhenthezi tzotzo yelazuagago kioʼ lhen Jeobá lhen bzua ta gonloʼ lobeʼlodza. ¡Kan wazeke siʼlho banheza ki yelaneban tzalasa!
A rhanelho
-
Bixhkieʼ waka uxhenláchhilo Jeobá wegonhe lueʼ yodarhi gonloʼ chhin kieʼ.
-
Bi waka gonloʼ kuenda yiyonlo másrhe tzotzo yelazuagago kioʼ lhen Jeobá.
-
Bixhkieʼ rhon bayochhi gzuarha ta gonrha na yeenirha lobeʼlodza.
BYEDIE MÁSRHE
Bi rsákatherhe Jeobá. A gonrha to ta banachhi nia kieʼ o cheʼ gákarha lilhachhiʼ.
Lhenthe to beneʼ wenchhin lilhachhiʼ ki Jeobá wachhin katiʼ gatilachhieʼ. Byo bi waka gonloʼ cheʼ kan gaka kioʼ.
Bi rkin kuenda gzuarha ta gonrha lobeʼlodza lhen gontherha.
«Dogzua ta gonrha lobeʼlodza na gonrhaxhen Jeobá» (La Atalaya, 15 ki julio ki 2004)
Bixhkieʼ rhon bayochhi galhaloʼ lobeʼlodza lhen nákaʼ wazeke gonloʼ kan.
««Zua gago dza ki Jeobá»: doyeenithezi lobeʼlodza» (La Atalaya, 15 ki mayo ki 2009)
