LESIONY 60
Goloʼ guiclo tzoʼlo más gaxt Jehová
Ló guirá lesiony ni ma bisuidyno, ma bisuidylo xidal cós de Jehová. Né por láani, galnadxiʼ ni naplo Dios ma gocxiroʼni más né sigory ma góc dedicarlo láabu né ma goyonislo. Pal yása gonylo láani sigory ma cayonylo pensary gonylo láani. Per raquiin que después ni ma goyonislo tzoʼlo más gax Jehová. Raquiinra guidzaktzaylo Jehová por tipzó. Ganno ximod.
1. ¿Xigony raquiinra guidzaktzaylo Jehová?
Non gonyno rutirigaʼlni lóono par guidzaktzayno Jehová. ¿Xigony? Par dipa galsitno de láabu (Hebreos 2:1). ¿Xí láani sacné lóono par dipa guisianno Jehová? Tzodieʼno ló predicación né guiyopyno mod gonyno más por Dios xtunyno (bíil Filipenses 3:16). ¡Diti noʼ stoib cós ni más galán que gonyno xchiin Jehová! (Salmo 84:10).
2. ¿Xí láani diti guiañ gonylo?
Ná ma calox casuidylo libro reʼ, laʼra casalólo cadzaklo Jehová. La Biblia ná que tigaaga cristiano raquiin «guitzaʼ mod nabany» (Efesios 4:23, 24). Pal rasuidyralo Xtiitz Dios né rieelo guirá reunión ni rac lainy congregación, sasuidyralo más de Jehová né mod nacbu. Guirá ór biyopy mod gaclo xomod nacbu. Né pal cayatzra guitzaʼlo mod naclo la, buny láani par labúu coʼ nakitlo xcalnabany Jehová.
3. ¿Ximod sacné Jehová looy par guidzaklo láabu más?
La Biblia ná: «Dios [...] saslox entrenamiento xtunyto. Sony lóoto fiel, sony lóoto nadip, né sasagaʼdxichbu lóoto» (1 Pedro 5:10). Guiráno racalóno tentación, per Jehová racné lóono par guicalóno láani (Salmo 139:23, 24). Láaca radudybu xtiitzbu looy guiniiny looy gonylo ni rioladxbu, né radudybu galnadip looy par diti guisianlo láabu (bíil Filipenses 2:13).
NANOY GUISUIDYNO LÁANI
Guisuidyno xi labúu gonylo par guidzaklo Jehová más, né xi galnasác sadudybu looy.
4. Diti guiañ guininélo ximigdxinlo
Oración né ni rasuidylo la Biblia ma gocnéni looy gaclo ximig Jehová. ¿Guirá ndeʼ labúu gacnéni looy par tzoʼlo más gax Jehová la? ¿Ximod?
Colgoʼol Salmo 62:8 né colgooy xtiitzni:
-
Pal ronylo oración más galán, ndeʼ sacné looy par guidzaklo Jehová más. ¿Ximod labúu gonylo láani?
Colgoʼol Salmo 1:2 né colgooy xtiitzni:
-
Pal rasuidytzaylo la Biblia sacnéni looy par guidzaklo Jehová más. ¿Ximod labúu gonylo láani?
Órni rasuidylo la Biblia toiblo, ¿xí labúu gonylo par gacnéni looy? Par labúu ganlo ximod gonylo láani, colguibiʼ VIDEO reʼ. Né colgooy xtiitzni:
-
¿Xí cós ni bibiʼno ló video reʼ nainy looy gonylo?
-
¿De xí temas raniiny looy guisuidylo?
5. Goloʼ guiclo gonylo más xchiin Jehová
Pal ragoʼlo guiclo gonylo más xchiin Jehová sacnéni looy par guidzaklo láabu más. Colguibiʼ VIDEO reʼ né colgooy xtiitzni:
-
¿Ximod gocnéni Cameron ni goloʼbu guicbu gonybu más xchiin Jehová?
Diti guirá herman labúu tzee stoib gudxrop par gony predicar. Per guiráno labúu coʼno guicno gonyno más xchiin Jehová. Colgoʼol Proverbios 21:5 né colguiniʼ xi metas raniiny looy gonylo...
-
... lainy congregación.
-
... ló predicación.
¿Ximod labúu gacné principio reʼ looy par tzagaʼlo metas xtunylo?
Metas ni labúu gonylo
-
Gonylo oración más galán.
-
Goʼolo guidopynac la Biblia.
-
Guimbulo guirá herman de congregación xtunylo.
-
Salólo guisuidylo toib buñ ni ná la Biblia.
-
Gaclo precursor auxiliar o regular.
-
Pal naclo buñguieeu, buny xtem par gaclo siervo ministerial.
6. ¡Bibany goxtiguie por tipzó!
Colgoʼol Salmo 22:26 né colgooy xtiitzni:
-
¿Xí láani gonylo par guioladxlo guibanylo nigoreʼ né por tipzó?
¿XÍ BISUIDYLO?
Diti guiañ guidzaklo Jehová más né buny más xchiin Jehová. ¡Modreʼ labúu guioladxlo guibanylo por tipzó!
Repas
-
¿Xigony naplo confianz que Jehová sacné looy par diti guisianlo láabu?
-
¿Xí labúu gonylo par guidzaklo Jehová más sacró?
-
¿Xigony rasac gaplo metas par guidzaklo Jehová más?
PAR GANLO MÁS
¿Xí láani más rasac par Jehová: gonyno cós ni rareʼ loguiaʼ par guislooyno que cayonyno ni nábu la, o guisobno láabu guirá dzú laʼga nabanyno la?
Dada toib ni casob a Jehová labúu guireʼgan. Bibiʼ xi labúu gacné looy.
¿Xí láani sacné looy par gaplo metas né tzagaʼlo láani?
«Gonyno por gapno metas par gonyxiroʼno ni Bisaʼ lóono» (Guiich ni caniʼ, 15 de july íz 2004)
Bisuidy xigony rasac gac buñ toib cristiano ni nadip xfe, né ximod labúu gonylo láani.
Sigory láaca sioladxlo ndeʼ
NI MÁS RANABDIITZ BUÑ
¿Ximod rasuidy testigos xtuny Jehová buñ?
Órni guisuidylo né testigos xtuny Jehová labúu guiquiinlo nitisi traducción xtuny la Biblia. Labúu guiruʼlo guirá xfamilo né ximiglo par gony compañer looy.
