Fã 1 Mi Nylɔmi
Nɔ nɛ e kɛ mo ngɛ Baiblo ɔ kasee ɔ kɛ mo ma susu sane bimihi nɛ nyɛɛ se nɛ ɔmɛ a he:
Mɛni lɛ o bua jɔ he ngɛ si nɛ Baiblo ɔ wo kɛ kɔ hwɔɔ se si himi he ɔ he?
(Hyɛ Ní Kasemi 02.)
Mɛni he je nɛ o he ye kaa Baiblo ɔ ji Mawu Munyu ɔ?
(Hyɛ Ní Kasemi 03 kɛ 05.)
Mɛni he je nɛ e sa kaa waa kɛ Yehowa biɛ ɔ nɛ tsɛ lɛ ɔ?
(Hyɛ Ní Kasemi 04.)
Baiblo ɔ de ke Mawu “mi lɛ wami tsuo jeɔ kɛ baa.” (La 36:9) Anɛ o he munyu nɛ ɔ ye lo?
(Hyɛ Ní Kasemi 06.)
Nyɛɛ kane Abɛ 3:32.
Mɛni he je nɛ Yehowa ji Huɛ nɛ se be nɛ o ma nyɛ ma ná a?
Mɛni Yehowa suɔ nɛ́ waa pee konɛ wa nyɛ nɛ́ waa pee e huɛmɛ? O susu kaa nile ngɛ mi lo?
(Hyɛ Ní Kasemi 07 kɛ 08.)
Nyɛɛ kane Kɔmɔ Yemi 2:19.
Mɛni ji ní komɛ nɛ o sɔle kɛ ha Yehowa ngɛ a he? Mɛni ji nɔ́ kpa ko hu nɛ o ma nyɛ maa sɔle ngɛ he?
Mɛni blɔ nɔ nɛ Yehowa guɔ kɛ haa sɔlemihi a heto?
(Hyɛ Ní Kasemi 09.)
Nyɛɛ kane Hebri Bi 10:24, 25.
Kɛ o ma ná Yehowa Odasefohi a kpehi nɛ o maa ya a he se ha kɛɛ?
O susu kaa e he hia nɛ waa bɔ mɔde nɛ waa ya kpe nɛ ɔmɛ lo?
(Hyɛ Ní Kasemi 10.)
Mɛni he je nɛ e sa nɛ waa kane Baiblo ɔ daa ligbi ɔ? Mɛni blɔ nya nɛ o to konɛ o kɛ kane Baiblo ɔ daa ligbi?
(Hyɛ Ní Kasemi 11.)
Mɛni nɛ o bua jɔ he wawɛɛ ngɛ Baiblo ɔ nɛ o kase kɛ ba si amlɔ nɛ ɔ he?
Kɛ je benɛ o bɔni Baiblo ɔ kasemi ɔ, o kɛ nyagba komɛ kpe lo? Mɛni ma nyɛ maa ye bua mo konɛ o ya nɔ nɛ o kase Baiblo ɔ?
(Hyɛ Ní Kasemi 12.)
Eko ɔ, O Bua Maa Jɔ Enɛ ɔ Hu He
SANEHI NƐ NIHI PƆƆ BIMI
Mɛni Blɔ Nya Yehowa Odasefohi To Nɛ́ Nihi Kɛ Kaseɔ Baiblo ɔ?
Yehowa Odasefohi kɛ nihi kaseɔ Baiblo ɔ nɛ a he we nɔ́ ko. Ke a kɛ mo ngɛ Baiblo ɔ kasee ɔ, o ma nyɛ maa ngɔ Baiblo sisi tsɔɔmi fɛɛ ko kɛ tsu ní. O ma nyɛ maa fɔ o weku ɔ, aloo o huɛmɛ nine nɛ a ba piɛɛ o he kɛ kase ní ɔ.
