တၢ်ကွၢ်ကဒါက့ၤလၢ အကူာ် ၁ အဂီၢ်
တဲသကိး တၢ်သံကွၢ် လၢလာ်တဖၣ်အံၤ ဃုာ်ဒီးပှၤလၢအမၤလိနၤ လံာ်စီဆှံ–
၁. လံာ်စီဆှံ အတၢ်အၢၣ်လီၤတဖၣ်န့ၣ် နဘၣ်သူၣ်ဘၣ်သးဒိၣ် ဖဲလဲၣ်တခါလဲၣ်.
(ကွၢ် တၢ်မၤလိ ၂.)
၂. ဘၣ်မနုၤအဃိ နနာ်လၢ လံာ်စီဆှံန့ၣ် မ့ၢ်ဝဲ ကစၢ်ယွၤ ကလုၢ်ကထါလဲၣ်.
၃. ဘၣ်မနုၤအဃိ ပကဘၣ်ကိးထီၣ် ယဟိဝၤယွၤ အမံၤလဲၣ်.
(ကွၢ် တၢ်မၤလိ ၄.)
၄. လံာ်စီဆှံ တဲဝဲလၢ ကစၢ်ယွၤန့ၣ် မ့ၢ်ဝဲ “တၢ်မူအဂံၢ်ခီၣ်ထံး.” (စံးထီၣ်ပတြၢၤ ၃၆:၉) နၤမီၤ နနာ်ဒ်န့ၣ်ဧါ.
(ကွၢ် တၢ်မၤလိ ၆.)
၅. ဖး ကတိၤဒိ ၃:၃၂.
ဘၣ်မနုၤအဃိ ယဟိဝၤယွၤန့ၣ် အမ့ၢ် ပသကိးလၢ အဂ့ၤကတၢၢ်တဂၤလဲၣ်.
ယဟိဝၤယွၤ အဲၣ်ဒိးလၢ အသကိးတဖၣ် ကမၤမနုၤလဲၣ်. နဆိကမိၣ် တၢ်လၢယဟိဝၤယွၤ အဲၣ်ဒိးဝဲန့ၣ် အကြၢးဝဲဘၣ်ဝဲဧါ.
၆. ဖး စံးထီၣ်ပတြၢၤ ၆၂:၈.
ဖဲနဃ့ထုကဖၣ်လၢ ယဟိဝၤယွၤအအိၣ်အခါ နဃ့အီၤ မနုၤလဲၣ်. နဃ့ဒံး တၢ်အဂၤမနုၤသ့လဲၣ်.
ယဟိဝၤယွၤ စံးဆၢပတၢ်ထုကဖၣ် ဒ်လဲၣ်.
(ကွၢ် တၢ်မၤလိ ၉.)
၇. ဖး ဧ့ၤဘြံၤ ၁၀:၂၄, ၂၅.
ယဟိဝၤပှၤအုၣ်အသးတဖၣ် အတၢ်အိၣ်ဖှိၣ်န့ၣ် ကမၤစၢၤနၤဒ်လဲၣ်.
နဆိကမိၣ် နမ့ၢ်ဂုာ်ကျဲးစၢး ထီၣ်တၢ်အိၣ်ဖှိၣ်န့ၣ် ကကဲဘျုး လၢနဂီၢ်ဧါ.
(ကွၢ် တၢ်မၤလိ ၁၀.)
၈. ပမ့ၢ်ဖးလံာ်စီဆှံ ကိးနံၤဒဲးန့ၣ် ဘၣ်မနုၤအဃိ အဂ့ၤဝဲလဲၣ်. ဒ်သိးနကဖးလံာ်စီဆှံ ကိးနံၤဒဲးအဂီၢ် နရဲၣ်ကျဲၤလီၤဒ်လဲၣ်.
(ကွၢ် တၢ်မၤလိ ၁၁.)
၉. တၢ်လၢနမၤလိဘၣ်တဖၣ်န့ၣ် နဘၣ်သူၣ်ဘၣ်သး အဒိၣ်ကတၢၢ် ဖဲလဲၣ်တခါလဲၣ်.
၁၀. စးထီၣ်လၢ နမၤလိလံာ်စီဆှံန့ၣ် နထံၣ်ဘၣ်တၢ်ကီတၢ်ခဲ တမံၤမံၤဧါ. နမ့ၢ်ထံၣ်ဘၣ် တၢ်ကီတၢ်ခဲ ဘၣ်ဆၣ် ဒ်သိးနကဆဲးမၤလိ လံာ်စီဆှံအဂီၢ် တၢ်မနုၤကမၤစၢၤနၤလဲၣ်.
(ကွၢ် တၢ်မၤလိ ၁၂.)