Kupituluka mu Kipindi 1
Mwisambilei pa ino myanda na yewa ukufundija:
Le i bika byakusangaja mu byobya bilaile Bible pa mafuku a kumeso?
(Tala Kifundwa 02.)
I kika kyalengeja ukulupile amba Bible i Kinenwa kya Leza?
(Tala Kifundwa 03 ne 05.)
Le kutela dijina Yehova, kudi na mvubu’ka?
(Tala Kifundwa 04.)
Bible unena’mba “nsulo ya būmi” idi kudi Leza. (Ñimbo ya Mitōto 36:9) Le abe witabije’byo?
(Tala Kifundwa 06.)
Tangai Nkindi 3:32.
Mwanda waka Yehova i Mulunda muyampe kupita bonso?
Le Yehova usaka balunda nandi balonge bika? Le ulanga i byendele’mo?
(Tala Kifundwa 07 ne 08.)
Tangai Ñimbo ya Mitōto 62:8.
Le i bintu’ka bimo byokodi mulombele’po kudi Yehova? Le i bika bikwabo byobwanya kutela polombela?
Le Yehova ulondololanga namani milombelo?
(Tala Kifundwa 09.)
Tangai Bahebelu 10:24, 25.
Le i bika byokamwena mu kupwila kwa Batumoni ba Yehova?
Le ulanga bidi na mvubu kulonga bukomo bwa kukatanwa’ko?
(Tala Kifundwa 10.)
Mwanda waka kutanga Bible kitatyi ne kitatyi kudi na mvubu? I mpangiko’ka yokwete ya kutanga Bible ku difuku?
(Tala Kifundwa 11.)
Kufika pano, i bika byowasangela mu kifundwa kyobe kya Bible?
Tamba ushilwila kwifunda Bible kufika ne pano, le kudi’ko bikoleja kampanda byotenwe nabyo? I bika bikakukwasha wendelele na kwifunda?
(Tala Kifundwa 12.)
Tala'po Bidi ne Bino:
BIPANGUJO BIPANGULWANGA DIVULE
Le Kifundwa kya Bible Kīfundanga Batumoni ba Yehova na Bantu I Bika?
Mu mpangiko ya kwifunda Bible ku bitupu na Batumoni ba Yehova, ubwanya kwingidija’mo bwalamuni bo-bonso bwa Bible. Ita kisaka kyobe kyonso nansha balunda nobe batanwe’po.
