Iciputulwa 1 Ukupitulukamo
Lanzyanyani ya-a amawuzyo na wino akakusambilizya Baibolo:
Acani cino watemwapo sana pe vyo Baibolo yalaya?
(Lola Isambililo 02.)
Amulandu ci wuno wazumilila ukuti e Baibolo ali Zwi lya kwe Leza?
(Lola Isambililo 03 ne 05.)
Amulandu ci wuno tuzipizile ukuwomvezya izina lya kwe Yehova?
(Lola Isambililo 04.)
E Baibolo ikalanda ukuti e Leza “Wentaliko ya wumi wonsi.” (Amalumbo 36:9) Uzye wasuwila ukuti co-o cisinka?
(Lola Isambililo 06.)
Wazyani Imilumbe 3:32.
Amulandu ci wuno e Yehova wawela we ciwuza umuzima ukucila pe ciwuza wensinye wino tungakwata?
Uzye e Yehova akalonda iviwuza vyakwe ukuwa wuli? Uzye ukulola ukuti vyo-o vino akalonda vyacila mucipimo?
(Lola Isambililo 07 ne 08.)
Wazyani Amalumbo 62:8.
Avintu ci vimwi vino wapepelapo kwe Yehova? Avyani vinji vino ungapepelapo?
Uzye e Yehova akakwasuka wuli amapepo?
(Lola Isambililo 09.)
Wazyani Waheberi 10:24, 25.
Uzye ukulongana kwa Nte zya kwe Yehova kungakwavwa wuli?
Uzye ukulola ukuti cawa icetenye ukuzanwako mukulongana?
(Lola Isambililo 10.)
Amulandu ci wuno cazipila ukuwazya Baibolo cila wanda? Watantika wuli ukuwazya Baibolo?
(Lola Isambililo 11.)
Pe vyonsinye vino usambilizile mwe Baibolo, avili kwinye vino utemilwepo sana?
Ukufuma pano watalicizile ukusambilila Baibolo, uzye kuli intazi zimwi zino wasunkinye? Nga akuno zili, antazi ci? Acani cino cingakwavwa ukutwalilila ukusambilila Baibolo?
(Lola Isambililo 12.)
Mungakunda na vyoo
AMAWUZYO YANO AWANTU WAKAWUZYAPO SANA
Uzye Isambililo lye Baibolo Ilya Nte zya kwe Yehova Lyawa Wuli?
Mwe lyoo isambililo lino Inte zya kwe Yehova wakasambilila na wantu uwiilanye, mungawomvya e Baibolo iyili yonsinye ino mukulonda. Mungitako na wali wonsinye wano mukulonda.
