Foa 1 Ndinu
Ɛ nee wɔ kilehilevolɛ ne ɛzuzu kpuya ɛhye mɔ anwo:
Baebolo ne anu ɛwɔkɛ ne mɔ boni a ɛ nye die nwo a?
(Nea Ɛzukoalɛdeɛ 02.)
Duzu ati a ɛdie ɛdi kɛ Baebolo ne le Nyamenle Edwɛkɛ a?
(Nea Ɛzukoalɛdeɛ 03 nee 05.)
Duzu ati a ɔhyia kɛ ɛfa Gyihova duma ɛfɛlɛ ye a?
(Nea Ɛzukoalɛdeɛ 04.)
Baebolo ne ka kɛ Nyamenle “ɛkɛ ne a ngoane vi a.” (Edwɛne 36:9) Ɛdie ɛdi ɔ?
(Nea Ɛzukoalɛdeɛ 06.)
Kenga Mrɛlɛbulɛ 3:32.
Duzu ati a Gyihova a le yɛ Gɔnwo kpalɛ mɔɔ tɛla biala a?
Duzu a Gyihova kpondɛ kɛ ɔ gɔnwo mɔ yɛ a? Ɛnea a yɛbahola yɛayɛ ɔ?
(Nea Ɛzukoalɛdeɛ 07 nee 08.)
Kenga Edwɛne 62:8.
Ninyɛne mɔɔ wɔzɛlɛ Gyihova wɔ nwolɛ la bie mɔ a le boni? Duzu bieko a ɛbahola wɔayɛ nwolɛ asɔne a?
Kɛzi Gyihova bua asɔneyɛlɛ ɛ?
(Nea Ɛzukoalɛdeɛ 09.)
Kenga Hibuluma 10:24, 25.
Kɛzi ɛkɔ Gyihova Alasevolɛ debiezukoalɛ ne mɔ bie a ɔbaboa wɔ ɛ?
Ɛnea a nvasoɛ wɔ zo kɛ ɛbabɔ mɔdenle wɔahɔ bie ɔ?
(Nea Ɛzukoalɛdeɛ 10.)
Duzu ati a ɔle kpalɛ kɛ ɛbagenga Baebolo ne dahuu a? Ngyehyɛleɛ boni a ɛdua zo ɛkenga Baebolo ne dahuu a?
(Nea Ɛzukoalɛdeɛ 11.)
Duzu a ɛ nye ɛlie nwolɛ kpalɛ wɔ wɔ Baebolo ɛzukoalɛ ne anwo a?
Ɛbɔle ɔ bo kɛ ɛsukoa Baebolo ne la wɔyia ngyegyelɛ bie ɔ? Duzu a baboa wɔ yeamaa wɔahɔ zo wɔazukoa a?
(Nea Ɛzukoalɛdeɛ 12.)
Bie A Eza Ɛ Nye Balie
KPUYA MƆƆ MENLI TA BIZA
Baebolo Ɛzukoalɛ Nwo Ngyehyɛleɛ Boni A Gyihova Alasevolɛ Yɛ A?
Wɔ Baebolo ɛzukoalɛ nwo ngyehyɛleɛ mɔɔ Gyihova Alasevolɛ ɛyɛ mɔɔ ɛndua ɛhwee la anu, ɛbahola wɔava Baebolo ngilebɛbo mɔɔ ɛ nye die nwo wɔali gyima. Saa ɛkulo kɛ ɛto ɛ sa ɛfɛlɛ wɔ abusua ne yɛɛ ɛ gɔnwo mɔ a, ɛbahola wɔayɛ zɔ.
