1.  Чь те Һʹәсабе «Бабилона Мәзьн»

2.  Мәсиһ Чьчах Гәрәке Әʹйан Буйа?

3.  Хәбьтандьна Хуне Медисинайеда

4.  Башԛәжитьн

5.  Щәжьн

6.  Нәхԝәшийед Гьран

7.  Пьрсед Хәбат у Ԛанунева Гьредайи

 1. Чь те Һʹәсабе «Бабилона Мәзьн»?

Әм жь кʹӧ заньн ԝәки «Бабилона Мәзьн» те һʹәсабе һʹәму религийед ԛәлп? (Әʹйанти 17:5). Дина хԝә бьдә ван шьровәкьрьна:

• Һʹӧкӧме ԝе сәр тʹәмамийа дьнйайе һәйә. Дәрһәԛа Бабилона Мәзьн те готьне, кӧ әԝ сәр щьмәʹт у әʹлаләта «рʹуньштийә». Әԝ «пʹадшатийе ль сәр пʹадшед дьнйайе дькә» (Әʹйанти 17:15, 18).

• Әԝ тʹәшкиләта политики у альшвершийе нинә. «Бабилона Мәзьн» ԝе бе кʹӧтакьрьне, ле «пʹадшед» у «базьрганед» дьнйайе, ԝе хьлаз бьн (Әʹйанти 18:9, 15).

• Әԝ нәрʹаст Хԝәде дьдә кʹьфше. Әԝ те навкьрьне ԛав, чьмки тʹәви сәрԝеред дәԝләта шьхӧлкʹарийе дькә, сәва кӧ пʹәра у ԛәбулкьрьна ԝан ԛазанщ кә (Әʹйанти 17:1, 2). Әԝ һʹәму мьләта дьхальфинә. У әԝ ӧса жи буйә сәбәбе мьрьна гәләка (Әʹйанти 18:23, 24).

Дина хԝә бьдьн дәрса 13 абзаса 6

 2. Мәсиһ Чьчах Гәрәке Әʹйан Буйа?

Кʹьтеба Пирозда һатьбу пʹехәмбәртикьрьне, ԝәки 69 һʹәфтә гәрәке дәрбаз буйа, у Мәсиһ әʹйан буйа (Бьхунә Данийел 9:25.)

• Кʹәнге 69 һʹәфтә дәстпебун? Әԝ ԝәʹдә сала 455 Б.Д.М. дәстпебу. Ԝи ԝәʹдәйи Нәһәмийа чубу Оршәлиме, сәва кӧ Оршәлим тʹәзәда «бе авакьрьн» (Данийел 9:25; Нәһәмийа 2:1, 5-8).

• 69 һʹәфтә чьԛас ԝәʹдә бу? Һьнә пʹехәмбәртийед Кʹьтеба Пирозда, рʹож те һʹәсабе сал (Жьмар 14:34; Һәзәԛел 4:6). Һәр һʹәфтә те һʹәсабе 7 сал. Һәрге әм һʹәсаб кьн 7 щара 69, ԝе бькә 483 сал, демәк ве пʹехәмбәртийеда 69 һʹәфтә 483 сал ьн.

• Кʹәнге 69 һʹәфтә хьлаз бун? Һәрге әм жь сала 455 Б.Д.М., бьжмерьн 483 сала, әме бьгьһижьнә сала 29 Д.М. a Һәма ве сале Иса һатә ньхӧмандьне у бу Мәсиһ! (Луԛа 3:1, 2, 21, 22).

Дина хԝә бьдьн дәрса 15 абзаса 5

 3. Хәбьтандьна Хуне Медисинайеда

Һәнә методед ԛәнщкьрьнейә ӧса, кӧ хуне дьдьнә хәбате. Һьнә жь ван метʹода бона Мәсиһийа ԛәдәхәкьри нә. Мәсәлә, һьнә мәрьв хуна хԝә дьдьн бона ԛәнщкьрьна мәрьва. Йан жи хуна хԝә дьдьнә хԝәйкьрьне, ԝәки ԝәʹде операсийайе диса бәри ԝи дьн (Ԛануна Дӧщари 15:23).

Ле методед ӧса жи һәнә, кʹижан кӧ Мәсиһи дькарьн бьдьнә хәбате. Һьнә жь ԝан метода әв ьн: анализа хуне, һемодиализ, һемодилусийа, йан жи хәбьтандьна апарата ӧса, йа кӧ сиркуласийа хуне дькә. Һәр Мәсиһи гәрәке хԝәха сафи кә, кӧ хуна ԝи ча бе хәбьтандьне, мәсәлә ԝәʹде операсийайе, леколина хуне, йан жи бона методәкә ԛәнщкьрьнейә дьн. Һәр һʹәкимәк дькарә ван метода бь щурʹе хԝә бьдә хәбате, ләма жи пешийа кӧ Мәсиһи һьнә методарʹа ԛайил бә, әԝ гәрәке пебьһʹәсә, кӧ хуна ԝи ԝе ча бе хәбьтандьне. Ләма жи лазьм ә сәр ван пьрсед жере бьфькьри:

• Һәрге һьнә хуна мьн жь бәдәна мьн дәрхьн у сиркуласийа ве хуне һьнә ԝәʹдә бе сәкьнандьне, ԝи чахи исафа мьн ԝе изьне бьдә мьн, ԝәки әԝе хуне диса һʹәсаб кьм пʹарәк жь бәдәна хԝә, у мәщбур нәбьм кӧ «ль сәр әʹрде бьрʹежьм»? (Ԛануна Дӧщари 12:23, 24)

• Һәрге ԝәʹде проседура һʹәкимтийе пʹарәк жь хуна мьн бе һьлдане, һьнә тьшт бе гӧһастьне, у паше пашда бәри бәдәна мьн дьн, гәло исафа мьн кʹижан кӧ бь Кʹьтеба Пироз һатийә һинкьрьне, ԝе мьн бьчәрчьринә, йан әз дькарьм ԛайил бьм?

Дина хԝә бьдьн дәрса 9 абзаса 3

 4. Башԛәжитьн

Хәбәра Хԝәде дьбежә кӧ жьн-мер гәрәке жь һәв дур нәкʹәвьн. Ле һәрге әԝана диса жи сафи кьн башԛә бьжин, һьнге изьна ԝан тʹӧнә кӧ тʹәви кәсәки дьн бьзәԝьщьн йан мер кьн (1 Корьнтʹи 7:10, 11). Жере һьнә дәрәщә һатьнә дайине, жь бо кʹижана жьн-мер сафи дькьн башԛә бьжин.

• Чахе мер нахԝазә бона малбәта хԝә хәм бькә: Мер инкʹар дькә, нәфәре хԝә хԝәй кә, у жь бо ԝе йәке әʹбура ԝан набә (1 Тимотʹейо 5:8).

• Зийана физики: Чахе жьн йан мер тʹәхмин дькә, ԝәки жь бо һәвалзәԝащ сьһʹәт-ԛәԝат у әʹмьре ԝи (ԝе) кʹәтийә бьн ԛәзийе (Галати 5:19-21).

• Чахе һәвалзәԝащ рʹе ԝи (ԝе) дьгьрә, ԝәки һәләԛәтийа ԝи (ԝе) тʹәви Йаһоԝа ԛәԝи бә: Чахе һәвалзәԝащ наһелә, әԝ Йаһоԝарʹа хьзмәт кә (Кʹаред Шандийа 5:29).

Дина хԝә бьдьн дәрса 42 абзаса 3

  5. Щәжьн

Мәсиһи ԝан щәжьна дәрбаз накьн, кʹижан кӧ Йаһоԝа хԝәш найен. Ле һәр кәс гәрәке пе исафа хԝәйә сәр һʹиме Кʹьтеба Пироз һинкьри сафи кә, кӧ щурʹә-щурʹә дәрәщада, кʹижан кӧ щәжьнава гьредайи нә, ча хԝә бьдә кʹьфше. Дина хԝә бьдә һьнә дәрәща.

• Гава кәсәк тә бьмбарәк дькә. Ве дәрәщеда тӧ дькари бежи «Зәʹф рʹази мә». Һәрге мәрьв дьхԝазә һе зедә пебьһʹәсә, тӧ дькари шьровәки, кӧ чьма әве щәжьне дәрбаз наки.

• Чахе жьн йан мере тә Шәʹде Йаһоԝа нинә, у дьхԝазә кӧ ԝәʹде ԝан щәжьна һун тʹәвайи һәрʹьн мала мәрьвед хԝә сәр сьфре. Һәрге исафа тә дьһелә кӧ тӧ һәрʹи, тӧ дькари пешда һәвалзәԝаще хԝәрʹа бежи, кӧ һәрге пьсмам тьштед щәжьнева гьредайи бькьн, тӧйе тʹәви ԝан ве йәке нәки.

• Чахе мәзьне хәбата тә, ԝәʹде щәжьне, пʹәре зедә дьдә тә. Гәло тӧ гәрәке ԝан пʹәра инкʹар ки йан на? Әʹсәйи нинә. Һәрге тӧ ԝан пʹәра һьлди, гәло мәзьне хәбате ԝе һʹәсаб кә, кӧ тӧ жи тʹәви ве щәжьне дьби, йан әԝ пе ван пʹәра дьхԝазә рʹазибуна хԝә сәва шьхӧле тә бьдә кʹьфше?

• Чахе кәсәк ԝәʹде щәжьна, тьштәки пʹешкʹеши тә дькә. Әԝе кӧ пʹешкʹеше дьдә тә, дькарә ӧса бежә: «Әз заньм тӧ әве щәжьне дәрбаз наки, ле әз дьхԝазьм ԝәки әв пʹешкʹеш жь мьн тәрʹа бьминә». Дьбәкә әв мәрьв йәки һʹәйф ә у жь дьл әве пʹешкʹеше дьдә тә. Йан жи дьбәкә әԝ дьхԝазә баԝәрийа тә бьщерʹьбинә, у ӧса бькә, ԝәки тӧ жи тʹәви ве щәжьне би. Ԝан тьшта һьлдә һʹәсаб у паше хԝәха сафи кә, әве пʹешкʹеше ԛәбул ки йан на. Чь жи әм сафи кьн, фәрз әԝ ә, кӧ исафа мә тʹәмьз бә у әм бькарьбьн Йаһоԝарʹа амьн бьминьн (Кʹаред Шандийа 23:1).

Дина хԝә бьдьн дәрса 44 абзаса 1

 6. Нәхԝәшийед Гьран

Әм мәрийа һʹьз дькьн, ләма жи әм гәләк фәсал ьн у һәр тьшти дькьн кӧ кәсәки нәхԝәш нәехьн, илаһи һәрге әм заньн кӧ мә нәхԝәшийа һʹал стандийә у әԝ дькарә дәрбази мәрийа бә. Әм фәсал ьн чьмки Кʹьтеба Пироз тʹәмийе дьдә: «Һәвале хԝә ԝәкә хԝә һʹьз бькә» (Рʹомайи 13:8-10).

Ле гәло мәрьве нәхԝәш ча дькарә әве тʹәмийе бинә сери? Йе нәхԝәш гәрәке незики мәрьва нәбә, дәсте хԝә нәкә дәсте ԝан, ԝана һʹәмез нәкә у пач нәкә. Әԝ гәрәке нәхәйидә һәрге мәрьв ԝи тʹәглифи мала хԝә накьн, чьмки әԝана дьхԝазьн малбәта хԝә бьпарезьн. Әԝ пешийа кӧ бе ньхӧмандьне, гәрәке дәрһәԛа нәхԝәшийа хԝә координаторе кʹома рʹуспийарʹа бежә, сәва кӧ әԝана тьштәки бькьн, ԝәки әԝед кӧ тʹәви ԝи тенә ньхӧмандьне, нәхԝәш нәкʹәвьн. Һәрге Мәсиһи дӧдьли йә, кӧ нәхԝәшийа ԝийә ӧса һәйә, ԝәки дькарә дәрбази мәрийа бә, әԝ гәрәке пешийа кӧ дәстпекә тʹәви кәсәки бьбә нас сәва һәв бьстиньн, анализа хуне бьдә. Ӧса әԝ дьдә кʹьфше, кӧ бона мәрьва хәм дькә у гӧһ дьдә ве тʹәмийе: «Тʹәне ль кʹара хԝә нәгәрʹьн, ле бьра һәр кәс ль кʹара һәвале хԝә жи бьгәрʹә» (Филипи 2:4).

Дина хԝә бьдьн дәрса 56 абзаса 2

 7. Пьрсед Хәбат у Ԛанунева Гьредайи

Әм дькарьн хԝә жь гәләк проблема дур бьгьрьн, чахе тʹәви кәсәки пәймане гьредьдьн дәрһәԛа хәбате йан пʹәра. Әм гәрәке әве пәймане бь ԛануни сәр кʹахаз бьньвисьн, һәрге жи әв кәс Мәсиһи йә (Йерәмийа 32:9-12). Ле диса жи дьԛәԝьмә Мәсиһи тьштед бьчʹукда һәв фәʹм нәкьн. Ве дәрәщеда әԝана ван пьрса рʹу бь рʹу, бь әʹдьлайи дәрберʹа сафи дькьн.

Ле әм чь дькарьн бежьн, һәрге бӧхдана давежьнә мә у мәрʹа мьхәнәтийе дькьн? (Бьхунә Мәтта 18:15-17.) Иса се ширәта дьдә мә:

1. Ортʹа һәвда проблеме сафи кьн. (Бьньһерʹә рʹеза 15.)

2. Ле һәрге проблем диса жи сафи набә, һьнге жь йәк йан жь дӧ Мәсиһийед рʹӧһʹанида гьһишти аликʹарийе бьхԝазә, ԝәки тʹәви ԝә әве проблеме сафи кьн. (Бьньһерʹә рʹеза 16.)

3. Һәрге проблем диса жи найе сафикьрьне, һьнге аликʹарийе жь рʹуспийа бьхԝазә. (Бьньһерʹә рʹеза 17.)

Чь жи һәбә әм гәрәке хушк-бьред хԝә нәдьнә диԝане, чьмки әв йәк дькарә хьраб һʹӧкӧм бә сәр ньһерʹандьна мәрьва һьндава Йаһоԝа у щьвате (1 Корьнтʹи 6:1-8). Ле һәнә дәрәщә кʹижанада лазьм ә шьхӧл бьдьнә диԝане, мәсәлә чахе жьн у мер һәв дьԛәтьн, йан дьхԝазьн изьне бьстиньн сәва хԝәйитийе зарʹа бькьн, алиментед зарʹа бьстиньн, жь кампанийа бехофийе һәԛе хԝә бьстиньн, чахе бизнес зийане дьстинә, йан жи чахе пәймане чедькьн, кӧ һәбун бьгьһижә кʹе. Һәрге Мәсиһи, ван пьрсада бь әʹдьлайи шьхӧл дьдә диԝане, әв найе һʹәсабе ԝәки әԝ принсипа Кʹьтеба Пироз дьтʹәрьбинә.

Һәрге тьштед ӧса бьԛәԝьмьн, мәсәлә, бенамусийа бь дәсте зоре, зорбәти һьндава зарʹа, ԛачахти, дьзи, йан кӧштьн, Мәсиһи дькарә дәрһәԛа ԝан ԛәԝьмандьна әʹлами полиса бькә. Ван дәрәщада жи Мәсиһи принсипа Кʹьтеба Пироз натʹәрьбинә.

Дина хԝә бьдьн дәрса 56 абзаса 3