ǀArosa ǃgāsasigu
1. Babilons kaisa ǂanǂuis
Mati da a ǂan, “Babilons kais” hoa ama tama ǂgomde ra ǂnûǁkhaebasa? (ǂHaiǂhais 17:5) Sao ra xūn xa ǂâi re:
-
ǁÎs ge ǃhūbaib ǂhawase ra hōhe. Babilons kais ge ‘ǁaedi tsî ǂgui khoen’ ai ǂnôa. ǁÎs ge “ǃhūbaib di gao-aogu ǂama ra gaosîsensa.”—ǂHaiǂhais 17:15, 18.
-
ǁÎs ge ǂgīǂgōsi [poletiks] tsî marisi ǁaxasigu ǃnâ ǃâ tama hâ. “ǃHūbaib di gao-aogu” tsî “ǁamaxū-aon” ǁîs hîkākāhesa nî ûiǃkharu amaga.—ǂHaiǂhais 18:9, 15.
-
ǁÎs ge Eloba ǂhanu tama ǀgaub ǃnâ ra ǂnûǁkhaeba. ǁÎs ge ǀai-aos ti ra ǂgaihe. ǂHanugu ǀkhas ǀguiba ra sîsenǀhao amaga. Îs marisise tsî ǀnî hâ xūn ǃnâs tsîna ǂkhâǃnâhe. (ǂHaiǂhais 17:1, 2) ǁÎs ge hoa ǃhaodi khoena ra ǂgaeǂhapu. Tsîs ge ǂgui ǁōga ǃaroma hâ.—ǂHaiǂhais 18:23, 24.
13ǁÎ ǁkhāǁkhāǃâs di 6ǁî ǃâba ǃoa oa re
2. Mesiaba mâǁae ge hā?
Elobmîs ge ge kēbo 69 wekhegu nî ǃkharusa Mesiab nî hās aiǃâ.—Khomai re Danieli 9:25 sa.
-
Mâǁae gu ge nē 69 wekhega tsoatsoa? Nēs ge 455ǁî kuri Jesub ǃnaes aiǃâ ge tsoatsoa. ǁNā ǁaeb aib ge Nehemiaba Jerusalems ǃnâ ge ǀkhī. ‘ǃĀsab nî dī-unuse.’—Danieli 9:25; Nehemiab 2:1, 5-8.
-
Mati kōse ge gaxu i 69 wekhega? ǀNî Elobmîs kēbodi ǃnâs ge tsēsa kuriba ra ǂnûǁkhaeba. (Numeri 14:34; Esegieli 4:6) Mâ wekheb hoab ge hû kuriga ra ǂnûǁkhaeba. Nē kēbos ǃnâ gu ge 69 wekhega, 483 kuriga ra ǂnûǁkhaeba (69 wekhegu x 7 tsēdi).
-
Mâǁae ge ǀam 69 wekhega? 483 Kuriga da ga 455ǁî kurib, Jesub ǃnaes aiǃâba xu a ǃgôa tsoatsoa o. O da ge 29ǁî kuriba Jesus ǃnaes khaoǃgâ ra hō. a ǁNā kurib ǃnâb ge Jesuba ge ǁāǁnâhe. Tsî ge Mesia kai.—Lukab 3:1, 2, 21, 22.
15ǁÎ ǁkhāǁkhāǃâs di 5ǁî ǃâba ǃoa oa re
3. ǀAeǃkhō ǀgaugu hîna ǀaoba ǃkhōǂgā hâgu
ǀNî ǀaeǃkhō ǀgaugu ǃnâ i ge. ǀAeǃkhōhe ra khoe-i ǀaoba ra sîsenūhe. Nē ǀaeǃkhō ǀgaugu xan ge ǀnîna Xristeǁîn xa a sîsenūhe ǁoa. Aiǁgause, ǀnî khoen ge ǁîn ǀaoba ǂgae tsî ǀkhaeb ase ra mā. Tsî i ge ǁae-i khaoǃgâ. ǁNā khoe-i go ǀkhae ǀaoba. ǃHôahe tsî ǀoro ǀaoba ūhâ khoe-i ǃaroma ra sîsenūhe. Xawe Xristeǁî-i ge ǁnāti ī xū-e dī tide.—Deuteronomium 15:23.
Xawe ǀnî ǀaeǃkhō ǀgaugu tamas ka io. Ôaǃnâdi ǃaroma ra dīhe xūn ge tsū tama. Aiǁgause, ǀae-e ôaǃnâs ǃaroma i ga ǀaoba ǂgaehe o. Os ge Hemodialysis tsî hemodilution tamas ka io cell-salvage. Tsî heart-lung bypass masinsa ra sîsenūhe. b Nē ǀaeǃkhō ǀgaugu ǃnâ i ge ǀaoba ǂgaeǂuihe. Tsî ega i nî sîsenūhe ga sâuhe tama hâ. Nēti ī ǀaeǃkhō ǀgaugu xa i ge mâ Xristeǁî-i hoa-e aitsama nî mîǁgui. Mati i ǁî-i ǀaoba nî sîsenūhesa. Nēsi i ga ǀaeǃkhōhe ra ǁaeb ai sîsenūhes. Tamas ka io ǀae-i ra ôaǃnâhe ǁaeb ai. Tamas ka io ǀaoba ǂgaeǂui, ǁnā ǁaeb ǃnâ sōǀôadī. Tsî ǂgā-oahe ǁaeb ais tsîna. Mâ dokteri hoab ge ǃkharagagu ǀgaub ǃnâ nē xūna ra dī. ǁNā-amaga i ge mâ Xristeǁî-i hoa-e nî ǂanǂui. ǁÎ-i dokteri tae-e ǁî-i ǀaob ǀkha nî dīsa. ǃHôas, ǀae-e ôaǃnâs tamas ka io. ǀKhara ǀaeǃkhō ǀgau-e i nî ūǃoas aiǃâ. Sao ra dîde ǂâiǃgâ re:
-
Ti sorosa xu i ga ǀnî ǀaoba ǂoa kaihe. Tsî i ga ǁaerob ǀgaiba ǀaoba ti soros ǃnâ ǃkhoe tama i o. Ti ǃgâiǂâisa nî mā-am te. Î ta nē go ǂoa ǀaoba noxoba ti soros ǃâse mû? Tsî ǂhâbasa tama i hâ nē ǀaoba “ǃhūb ai” ǁhōxūsa?—Deuteronomium 12:23, 24.
-
O ǀaeǃkhōhe ta ra ǁaeb ai i ga ti ǀaoba ǂgaeǂuihe. Tsî ǀkharaǀkharahe tsî ǁnā ǁaeb ǂûb ai ǂgā-oahe o, ti soros ǃnâ. Elobmîsa xu ta ge ǁkhāǁkhāsen xūna ǂâis ǃnâ ūhâse. Ti ǃgâiǂâisa mā-am te i nî. Î ta ǁnā ǀaeǃkhō ǀgauba ūǃoa?
39ǁÎ ǁkhāǁkhāǃâs di 3ǁî ǃâba ǃoa oa re
4. ǃGamme hâ khoen ga hâ ǀgora o
Elobmîs ge ǃgamme hâ khoena ra ǂkhā în tā hâ ǀgora. Tsî Elobmîs ge ǃgāsase ra mî. Hâ ǀgora hâ khoen ǀkhara khoen ǀkha ǁkhawa sī a ǃgamme ǁoasa. (1 Korinteǁîn 7:10, 11) Xawe ǀnî mâsigu ge hâ. ǀNî Xristeǁîna ge hâ ǀgorasa a ǁhûi kaina.
-
ǂAnapegase omaris ǂhâsiga kōǃgâ tama is: ǃGamme hâ aob ge oms ai xūna ǁama tama. Tsîs ge omarisa tsēs hoasan ǂhâ hâ xūn tsîna ūhâ tama hâ.—1 Timoteub 5:8.
-
Kaise ǃkhams tsî ǂanapega tsûtsûgus: ǃGammehe hâ khoe-i ge tsēs hoasa ra ǂnâuhe. Tsî ǁî-i ǂurusib tsî ûib tsîn ge ǃaoǃaoxa mâsib ǃnâ hâ hoaǁae.—Galateǁîn 5:19-21.
-
ǃGammesa khoe-i Jehovab ǀkha ūhâ ǀhōsagusis ga khôahe ǂgao o: ǃGammehe hâ khoe-i ge ǂgao tama hâ. Nau i nî Jehovaba ǃoabasa.—ǃNaeǃkhaidi 5:29.
5. Sâtsēdi tsî ǁâudīgu [ǁkhoaxasigu]
Xristeǁîn ge Jehovaba ra ǂkhîoǃnâ kai sâtsēde tsēdī tama hâ. Xawe mâ Xristeǁî-i hoa i ge. Elobmîs daoǁgaus ǀkha i, ǀāǀā hâ ǃgâiǂâisa nî sîsenū. Î-i aitsama mîǁgui mati i nî tanisensa. Nau khoen ga ǁnā sâtsēde tsēdī o. Sao ra aiǁgaude kō re.
-
Khoe-i ga sâtsēs ǀkha ǃgaeǀhaosa ūhâ ǀgaub ǃnâ a tawede du o. “Gangans” ti ǀgui du ge a mî ǁkhā. Tsî i ga khoe-e ǃnāsase a ǂan ǂgao o. O du ge a ǁguiǃā ǁkhā. Tae-i ǃaroma du, ǁnā sâtsēsa tsēdī tama hâsa.
-
Sadu ǃgamme hâ khoe-i hîna Jehovaba ǃoaba tama hâ i ga ǁkhau du o. Î du ǁnā sâtsēs ai nau omaris ǁanin ǀkha ǀguiba sī ǂûǀhao. Sadu ǃgâiǂâis ga īsa a mā-am du o. O du ge ǃgamme du hâ khoe-e ǁaeb aiǃâ a mîba ǁkhā. Elobmîs ǀkha dīxū-e ūhâ tama ǁaxasigu ga ǁnāpa dīhe o. O du sadu ǁnā xūna ǁîn ǀkha ǀguiba dī tidesa.
-
Sadu ǀhonkhoe-i ga sâtsē i ra tsēdīhe ǁaeb ǃnâ mari-e [bonesa] a mā du o. Marisa du ū tide? ǀNîsi du ge marisa ū tide. Xawe sadu ǀhonkhoe-e maris hîna i ra mā dusa. Sâtsēsa tsēdīs ǃaroma ra mā du? Tamas ka io sadu ra dī sîsen-e i ra ǃgôaǃgâs ǀguisa ra ǁgau ǂgao?
-
Khoe-i ga sâtsēdi ra tsēdīhe ǁaeb ǃnâ ǀkhaeba a mā du o. ǀKhaeba ra mā du khoe-i ge ǀnîsi ra mî: “ǂAn ta ge a nē sâtsēsa du tsēdī tama hâsa. Xawe ta ge nē xū-e ra mā du ǂgao.” ǀNîsi i ge nē khoe-e amabes ǃnâ xū-e ra mā du ǂgao. Tsî ǃgâi ǂâis ǀkha ra dī. Xawe du ge ǀnîsi a dîsen ǁkhā. Nē khoe-e nē ǀkhaeba mā te. Tsî ti ǂgomsa ra ǃâitsâ ǂgao? Tamas ka io sâtsēsa ta nî tsēdīsa ra ǂhâba? ǂÂiǃgâ du hâs khaoǃgâ, du ge aitsama a mîǁgui ǁkhā, ǀkhaeba du nî ūsa. ǃAnu ǃgâiǂâisa ūhâ ǀgara tsî du ge Jehovab ǃoa-ai ǂgomǂgomsase ra hâ ǂgao. Mâ mîǁguib hoab hîna du ra dīb ǃnâ.—ǃNaeǃkhaidi 23:1.
44ǁÎ ǁkhāǁkhāǃâs di 1ro ǃâba ǃoa oa re
6. ǂHīgu-e ǁkhā ǀaen
Khoena da a ǀnam amaga da ge ra ǂanbasen ǂgao. Î da tā khoena ǀaena ǂhī. ǁNā-amaga da ge ǂhī ǀae-e da ga ūhâ o. Khoena ǂhī tide ǀgaub ǃnâ nî tanisen. Nēsa da ge ra dī Elobmîs di ra mî amaga: “Sa ǀgūkhoebats ge nî ǀnam sats ǁkhāts khami.”—Romeǁîn 13:8-10.
ǂHī ǀae-e ūhâ khoe-e, mati nau khoena i a ǀnamsa a ǁgau ǁkhā? ǁÎ-i ge aitsama khoen ǀgūse sī. Tsî khoena ǁnamǂgā tamas ka io ǁoa tide. Tsî i ge tā ǁgaise nî tsâ khoen ga ǁî-e ǁîn omsa ǃoa ǁkhau ǂgao tama io. ǁNā khoe-i ge ǁî-i omarisa ra ǁkhauba ǂgao. ǁNā khoe-i ge ǁāǁnâhe i nîs aiǃgâ. ǀHaohâb ǃûi-aogu, di ǂnûǁkhaeba-aoba nî mîba ǀaesen i hâsa. În ǀapena ǂgāhe. Tsî ǁî-i ǀkha ǀguiba nî ǁāǁnâhe khoena ǁkhaubahe. ǂHī ǁō-e i ūhâ ti ra ǂâi khoe-i ge. ǃGamme ǂgao i ga o. O aibe māsenxase, ǀaoba sī nî ǂgae tsî nî ǃâisen kai. ǁNāti ra dī khoe-i ge ra ǁgau nau khoena i ra tsâbasa. Tsî i “ǁî-i ǃgâib xa ǀgui ǂâi” tama i. Tsî ‘nau-i ǃgâib xa ra ǂâisa.’—Filipeǁîn 2:4.
56ǁÎ ǁkhāǁkhāǃâs di 2ǁî ǃâba ǃoa oa re
7. Sîsenni mâsib tsî ǂhanub ǀkha dī xū-e ūhâ ǁhōgu
ǃGomsina da ge a ǀoroǀoro ǁkhā. Khoe-e da ga sîsenba tamas ka io mari-e a māgu o. O da ga ǁnâugu ai da go xūna a xoamâi o. ǁNā khoe-i ga sida di Xristeǁî ǃgâsa xawe. (Jeremiab 32:9-12) ǀNî ǃgâsan ge ǂkhari xūn tsî mari-i ǃgao, ra ǁnâusāgu. Xawen ge ǃhaese nî ǁnâugu, îb ǂkhîba ǁîn ǁaegu hâ.
Tae-e a dīhe ǁkhā ǃgâsa-i ga mari ǁhōgu ǃnâ a gāxaǃnâhe o? Tamas ka io ǁî-i ǀons ga ǀuriǀurihe o? (Khomai re Mateub 18:15-17 sa.) Jesub ge ge mî î da sao ra ǃnona xūna dī:
-
ǀGui tamas ka io ǀgam ǃgâsan, hîna gagasise ǀgaisana ūsao re.—Khomai re 16ǁî ǁaraǃāsa.
-
O ǀgui du ge ǀhaohâb ǃûi-aoga sī a mû ǁkhā.—Khomai re 17ǁî ǁaraǃāsa.
Jehovab tsî ǀhaohâb xan khoena ǁgaise nî ǂâi. Amaga da ge sada ǃgâsana hofa ǃoa ī ū ǂgao tama hâ. (1 Korinteǁîn 6:1-8) Xawe i ge ǂhâbasa ǀnî ǁhōgu hofa ǃoa nî ī ūhesa. Aiǁgause, ǃgammeba ǀgoras. ǀGôan ham-i xa nî kaikaihesa mîǁguis. Tsî ǃgammehe go hâ-i khoe-i. Tsî ǁîn di ôan mati nî kōǃgâhes. Ham-i mari-e nî matarehes. Tsî matis ǁnāsa nî dīhe ǀgauba mîǁguis. ǃKhū go hâ i, khoe-i ga ǀgâ o. Tamas ka io tôasi ge khoe-i di surudena matares. Tsî ǁî-i ge xoaǁgui khami, ǃgau ra marin ǀkha dīs. ǁNā mâsigu ǃnâ hofa ǃoa īs ge tsū tama hâ. Tsî ǁnāsa ra dī khoe-i ge Elobmîs ra mî xūna, mâǃoa tama hâ.
ǀGaiǃkhōs, ǀgôa-e ǃgâi tamase hâ-ūs. Khoe-e ǂanapegas ǃnâ tsûtsûs. Kai mari-e ǃnaris. Tsî kai mari-e ra ǂgan xūna ǃnaris. Tamas ka io khoe-e ǃgams ge kai ǂkhabadīgu ǃnāka re ǁnā. Xristeǁî-i hîna nē ǂkhabadīga ǀapaǃnamga sī ra mîba i ge. Elobmîs di mîmāsa mâǃoa tama hâ.
a Nē ǀaeǃkhō ǀgauga du ga ǁnâuǃā ǂgao o. “Khomai-aon dîdi” hîna Oktoberi 15, 2000ǁî kurib di ǃKhē xu ǂgō-ommi ǂkhanib ǃnâ hâsa khomai re.
b 455ǁÎ kurib Jesub ǃnaes aiǃâba xu 1ro kurib Jesub ǃnaes aiǃâ, i ge 454 kuriga ra mā da. 1Ro kurib, Jesub ǃnaes aiǃâba xu, 1ro kurib, Jesub ǃnaes khaoǃgâb. Ge 1 kuriba ra mā da. (ǀKhaiǃnâ di hâ kuri i ge a ǀkhai.) Tsî 1ro kurib, Jesub ǃnaes khaoǃgâba xu 29ǁî kuri, Jesub ǃnaes khaoǃgâb. Ge 28 kuriga ra mā da. Nē kurigu hoagu ge 483 kurigu ǃgôaba ra mā da.