1.  A̱ʼ yéj yawi Babilonia yej weyi

2.  ¿Ke̱man mone̱xtia̱ya el Mesías?

 1. A̱ʼ yéj yawi Babilonia yej weyi

¿Té íga tikijtowaj iga «Babilonia yej Weyi» yawi las religiones falsas? (Apocalipsis 17:5). Matikitakan tres razones.

• Onoʼ no̱ya̱n láj. Moijtowa iga mota̱lijtoʼ pan «komatimej» wan pan «a̱ltepe̱mej», wan «tatekimaka ipan nochi re̱yejmej yej onokej ipan ta̱jli» (Apocalipsis 17:15, 18).

• Awel yawi se̱ potencia política niga comercial. Ken kijtowa la Biblia, «re̱yejmej de inewi ta̱jli» wan «yej tanamakatoyaj» onoskejo después iga poliwis Babilonia yej weyi (Apocalipsis 18:9, 15).

• Kichi̱wa iga amo maye̱ʼtajto̱kan de Dios. Moto̱ka̱wiá «siwa̱ʼ yej najna̱mo̱lnemi» iga kipale̱wiá los gobiernos igasan makimakakan tomi̱n o seuʼ tejte̱ʼ (Apocalipsis 17:1, 2). Pux komatimej kikajkaya̱wa wan iga itechko miakejmej mikij (Apocalipsis 18:23, 24).

Ximokuepa sej pan la lección 13 punto 6

 2. ¿Ke̱man mone̱xtia̱ya el Mesías?

La Biblia kijtoj iga achto iga mamone̱xti el Mesías panoskiá 69 semanas (xiktajto̱lti Daniel 9:25).

• ¿Ke̱man tsi̱nti las 69 semanas? Pan el año 455 achto de to-era. Inó̱n año, el gobernador Nehemías asiʼ pan Jerusalén iga «makiye̱ta̱likan» a̱ltepe̱ʼ (Daniel 9:25; Nehemías 2:1, 5-8).

• ¿Ke̱ski años panoj pan las 69 semanas? Pan sekin profecías bíblicas, se̱ día kijtojneki se̱ año (Números 14:34; Ezequiel 4:6). Ijkó̱n se̱ semana yawi 7 años. Inó̱n iga, las 69 semanas de inó̱n profecía yawi 483 años (69 multiplicado por 7).

• ¿Ke̱man tamiʼ las 69 semanas? Si moconta̱rowa 483 años desde el año 455 achto de to-era, tasij pan el año 29 de to-era. a Pan inó̱n año Jesús moa̱polaktij wan mochij el Mesías (Lucas 3:1, 2, 21, 22).

Ximokuepa sej pan la lección 15 punto 5