Mawu yakumapeto
1. Kuzindikira Babulo nkulu
Ko tinkudziwa tani kuti ‘Babulo nkulu’ ankuimira vipembedzo vose bodza? (Chivumbulutso 17:5) Ganizirani vochitika ivi:
-
Iye ankusokeresa dziko yose yapasi. Babulo alewewa kuti alikhale pa ‘makamu na makhaindi.’ Iye ‘ankuimira thaundi ikulu ya ufumu womwe unkutonga dziko yapasi.’—Chivumbulutso 17:15, 18.
-
Iye sikuti ni ufumu wandale panango wa malonda. ‘Mafumu ya dziko yapasi’ na ‘wamalonda wake’ adzawone iye ankudzongewa.—Chivumbulutso 18:9, 15.
-
Iye achalemekezalini Mulungu. Iye achachemerewa kuti hule ndawa achachita m’gwirizano na maboma pankhani ya mali na vinthu vinango. (Chivumbulutso 17:1, 2) Iye achasokeresa wanthu wa makhaindi yose. Ndipo iye ndiye wachitisa kuti wanthu azinji aphewe.—Chivumbulutso 18:23, 24.
Bwererani ku Msolo 13 mpfundo 6
2. Ko nilini pomwe Mesiya adabwera?
Baibolo idaneneratu kuti padzapite masondo 69 kuti Mesiya awonekere.—Lewengani Danieli 9:25.
-
Ko nilini pomwe masondo 69 yadayamba? Mu gole ya 455 A.E.C. Panthawe mwaire, Governador Nehemiya adafika ku Yerusalemu ‘kuti akamange soti’ thaundi.—Danieli 9:25; Nehemiya 2:1, 5-8.
-
Ko masondo 69 yadamala nthawe itali tani? M’maulosi yanango ya m’Baibolo, ntsiku ibodzi ichaimira gole. (Numeri 14:34; Ezekieli 4:6) Sondo ibodzi ichaimira magole 7. Mu ulosi moyu, masondo 69 yakukwana magole 483 (masondo 69 ntsiku 7).
-
Ko nilini pomwe masondo 69 yadapera? Kuwerengera magole 483 kuchokera mu 455 A.E.C. kuchatifikisa mugole ya 29 E.C. a Imweyi ndiyo gole chaiyo yomwe Yesu adabatiziwa nkukhala Mesiya!—Luka 3:1, 2, 21, 22.
Bwererani ku Msolo 15 mpfundo 5
3. Chithandizo cha kushipitali chokhudzana na magazi
Pananjira za kushipitali zomwe achaphatisira basa magazi ya wodwala. Zinango mwanjira zimwezi ni kuchoseratu magazi ya wadwala panango kukhala na magazi ya wodwala akanati achita operação. Koma njira zose zimwezi ni zosabvumizika kwa Akhrisitu.—Deuteronomo 15:23.
Ndipomwapa, pangakhale njira zinango zosakaikisa. Njira zimwezi zinkuphatanidzapo kuchosewa magazi kuti yapimiwe, hemodiálise, hemodiluição (njira zomwe zichathandiza kuti magazi yaleke kuyuma ndawa maselo yangafe) panango kuphatisira basa mashini yotetezera maselo. Nkhrisitu aliyese achadekana kusaina yekha momwe magazi yake yaphatisiriwe basa panthawe ya operação, kuchosa magazi kuti yapimiwe panango pomwe ankutambira chithandizo cha mankhwala. Mfulumero aliyese angaphatise basa njira zimwezi mosiyana na anzake. Ndipomwapa, Nkhrisitu akanati wabvuma operação iliyose, kuchosa magazi kuti yapimiwe panango kubvuma chithandizo cha mankhwala achadikana kudziwa bwino momwe magazi yake yaphatisiriwe basa. Onani mibvunzo aya:
-
Ko vingakhale tani peno yanango mwa magazi yangu yapatusiwa nkuyendesewa kunja kwa thupi yangu na kusokoneza kafambidwe kake mu kanthawe kadikidiki? Ko chikhumbumtima changu chinkuniwuza kuti magazi mwaya yadakali yangu panango yachadekana ‘kufuchiriwa pasi’?—Deuteronomo 12:23, 24.
-
Ko tani peno panthawe yomwe ankunilapa yanango mwa magazi yangu yangatengewe nkuchinjiwa nkuyabwezeresa pomwe (panango nkuyaikha) nthupi mwangu? Ko ningabvume kuchita vimwevi panango ningashupise chikhumbumtima changu chopfunzisiwa na Baibolo?
Bwererani ku Msolo 39 mpfundo 3
4. Kupatukana m’banja
Mawu ya Mulungu yachalimbikisalini kupatukana ndipo yachafotokoza mobveka bwino kuti kupatukana kuchaperekalini ufulu kwa aliyese kuti angalowole panango kulowodwa. (1 Akorinto 7:10, 11) Koma panavinthu vinango vomwe vichachitisa kuti Akhrisitu anango apatukane.
-
Kuleka kuthandiza mwadala: Mwamuna alamba kuthandiza banja yake mwakuthupi, mpakana banja yake kukhaliratu ilibe vinthu vodzithandizira pamoyo wawo.—1 Timoteyo 5:8.
-
Kuchitiwa nkhanza yoipa: Nkhanza ingachitise kuti moyo wa munthu panango moyo wa banja ukhale pangozi.—Agalatiya 5:19-21.
-
Kuikha pangozi ushamwali wa munthu na Yahova: M’bodzi wa wanthu wolowolana angachitise kuti munango aleke kutumikira Yahova.—Machitidwe 5:29.
5. Vikondwerero na Maferiyado
Akhrisitu achachitalini maferiado yomwe yachakondweresalini Yahova. Koma Nkhrisitu aliyese achadekana kuphatisa basa chikhumbumtima chake chopfunzisiwa na Baibolo kuti asaine mwangachitire vinthu vinango vobverana na maferiado mwaya. Onani vitsanzo vinango ivi.
-
Munthu munango wakuuzani kuti festa yabwino. Imwepo mungandomuuza kuti: ‘Mwaphata basa.’ Peno munthu muyo achada kudziwa vizinji ndawa yake imwepo muchakondwereralini nawo maferiado, mungamuuze.
-
Munzanu wa muukwati yemwe ni Mbonilini ya Yahova wakuchemerani kuti mukadyere pabodzi na wa m’banja mwake pa ntsiku ya feriyado. Peno chikhumbumtima chanu chinkukubvumizani kuti muyende, imwepo mungamuuziretu munzanu wa muukwati kuti, peno kukakhale miyambo yachikunja panthawe yachakudya, inepano nikachitenawolini.
-
Bwana wanu wakupasani bonasi panthawe ya chikondwerero cha kukumaliziro kwa gole. Ko imwepo mungalambe bonasi? Nivodekanalini kulamba. Koma ko bwana wanu achawona bonasi ninge chikondwerero panango ninge kundotembeja basa yanu yabwino?
-
Munthu munango ankukupasani mphaso panthawe ya chikondwerero cha kumamaliziro kwa gole. Wokupasani mphaso angakuuzeni kuti: ‘Ninkudziwa kuti imwepo muchakondwereralini mafesta, koma nichada kukupasani.’ Nthawe zinango vingawonese kuti munthu moyu ni wokoma moyo. Nthawe zinango pangakhale vifukwa voganizira kuti ko munthu moyu andofuna kukuyesani chikhulupiriro chanu panango kuchitisani kuti imwepo mukondwerere nawo? Mukaganizira bwinobwino vimwevi, imwepo mungasalule kuitambira mphaso panango neye. Pa vosalula vilivose, tichada kukhala na chikhumbumtima chabwino na kukhala wokhulupirika kwa Yahova.—Machitidwe 23:1.
Bwererani ku Msolo 44 mpfundo 1
6. Matenda yopasirana
Pakuti tichakonda wanthu anango, tichakhala wosamala kuti tileke kuwapasa matenda peno tinamatenda yopasirana. Vimwevi viriteno peno tinkudwala matenda yopasirana, panango peno tinavizindikiro va matenda mwayo. Tichachita vimwevi ndawa Baibolo ichatiuza kuti: ‘Umbakonde munzako ninge muchadzikondera wekha.’—Aroma 13:8-10.
Ko tingachite chani pakuwonesa kuti tinkubvera lamulo mweyi? Munthu yemwe anamatenda yopasirana achadekanalini kumbachita vinthu ninge kukumbatirana panango kupasana bejo. Iye achadekanalini kuwona kuti niwosadekana peno wanthu wa m’banja mwake ankumuchemeralini kumamiyi kwawo ndawa ya chitetezo chawo. Ndipo akanati wabatizika, iye achadekana kuuziratu wobveranisa bungwe ya akulu momwe iye aliri kuti pakhaliretu makonzedwe yotetezera wanthu anango womwe achada kubatiziwa. Tikalibe tayamba chibwenzi, munthu yemwe ankuwona kuti panango anamatenda yopasirana achadekana iye yekha kukapimisiratu magazi. Kuchita vimwevi kuchawoneseratu kuti muchadera nkhawa anango mwa ‘kusaganizira vofuna vanu vokha koma mwakuganizira pomwe vofuna va anango.’—Afilipi 2:4.
Bwererani ku Msolo 56 mpfundo 2
7. Malonda na nkhani za malamulo
Tingapewe mabvuto yazinji mwa kumbachita kunemba mapangano yathu pa nkhani ya kobiri podiya kuti tinkuchita vimwevi na Nkhrisitu muyathu. (Yeremiya 32:9-12) Podiya vichikhala tene, Akhrisitu anango angakhale na mabvuto yanango pankhani ya kobiri na nkhani zinango. Pa mabvuto mwaya, iwo achadekana kumalisa mwakankulumize pawokha na mwantendere.
Manje ko nkhani zikuluzikulu zomwe ni kuchitiriwa chinyeko na kunamiziriwa tingambazimalise tani? (Lewengani Mateyu 18:15-17.) Yesu adatipasa njira zitatu zomwe tingatewedze:
-
Yesesani kumalisa bvuto pamwekha.—Onani vesi 15.
-
Peno vimwevi vinkukanga, kumbirani munthu m’bodzi panango awiri wokhuma mwauzimu wa mumpingu mwanu kuti akuthandizeni.—Onani vesi 16.
-
Peno bvuto ikalipo panthawe mweyi, manje mungawuze akulu mu mpingu.—Onani vesi 17.
Nthawe zinango tichadekanalini kutengera m’bale wathu ku telebunali ndawa vimwevi vingapereke chitsanzo choipa kwa Yahova na mumpingu. (1 Akorinto 6:1-8) Koma, panankhani zinango zomwe zichadekana kukatongerewa kuboma, ninge: Kumala kwa banja, kulera wana, kusamalira wana ku mbali zose, kobiri za seguro, milandu yokangira kubwezera nkhongole. Nkhrisitu yemwe angayende ku telebunali kuti amalise nkhani ninge zimwezi mwantendere ankuphwanyalini mpfundo za m’Baibolo.
Peno pachitika chinthu chikulu cha nkhanza ninge: Kuponderera, kuchitira nkhanza wana, ugananga, kuba panango kupha.
Nkuphwanyalini mpfundo za m’Baibolo Nkhrisitu akayenda ku telebunali na nkhani ninge zimwezi.
a Kuchokera mu 455 A.E.C. mpaka mu 1 A.E.C. ni magole 454. Kuchokera mu 1 A.E.C. mpaka mu 1 E.C. ni gole ibodzi (ndawa palibe gole zero). Ndipo kuchokera mu 1 E.C. mpaka mu 29 E.C. ni magole 28. Ndipo pa vose vichatipasa magole yokwana 483.
