Tika Atye Atera?
Tika Atye Atera me Tito Kwena Kacel ki Kacokke?
Itwero ngeyo ni itye atera me doko latit kwena ma peya onongo batija ka . . .
Ikwano Baibul, ilego, dok icito i cokke kare ki kare.
Imaro dok iye gin ma itye ka pwonyo dok imito titone bot jo mukene.
Imaro Jehovah dok iyero luremi macok ki i kin jo ma gimare.
Pe dong itye lamemba me pati mo me wibye nyo dini goba.
Itye ka kwo ma lubbe ki rwom me kit ma atir pa Jehovah dok imito doko Lacaden pa Jehovah.
Ka iwinyo ni itye atera me tito kwena kacel ki kacokke, lapwonyi me Baibul twero keto yub piri me rwatte ki luelda wek gunen ka itye ma ipore.
Tika Atye Atera me Nongo Batija?
Itwero ngeyo ni itye atera me nongo batija ka . . .
Itye latit kwena ma peya onongo batija.
Inywako i tic me pwony kare ki kare kit ma itwero kwede.
Icwako “lagwok ot ma lagen dok maryek” dok ilubo tirane.—Matayo 24:45-47.
Idyero kwoni bot Jehovah i lega dok imito tic pire pi naka.
Ka iwinyo ni itye atera me nongo batija, lapwonyi me Baibul twero keto yub piri me rwatte ki luelda wek gunen ka itye ma ipore.
