Anɛ I Pee Klaalo Lo?
Anɛ I Pee Klaalo Kaa I Kɛ Asafo ɔ Maa Ya Fiɛɛmi Lo?
O ma nyɛ ma ba pee fiɛɛlɔ nɛ a baptisii we lɛ lolo . . .
Ke o kaseɔ Baiblo ɔ be fɛɛ be, o sɔleɔ daa, nɛ o yaa asafo mi kpehi be fɛɛ be.
Ke o bua jɔ níhi nɛ o ngɛ kasee ɔ he, nɛ o he ye kaa a ji anɔkuale, nɛ o suɔ kaa o ma de ni kpahi.
Ke o suɔ Yehowa nɛ o kɛ nihi nɛ a suɔ Yehowa a bɔɔ gbagbanii.
Ke o je o he kɛ je ma kudɔmi kuuhi kɛ lakpa jamihi a he.
Ke o kɛ Yehowa mlaahi tsuɔ ní nɛ o suɔ kaa o maa pee Yehowa Odasefo no.
Ke o na kaa o pee klaalo kaa o kɛ asafo ɔ maa ya fiɛɛmi ɔ, o Baiblo tsɔɔlɔ ɔ maa to blɔ nya nɛ́ o ya na asafo mi nikɔtɔma amɛ konɛ a kɛ mo nɛ susu bɔ nɛ o maa pee ha nɛ o he nɛ su kɛ ha fiɛɛmi yami ɔ he.
Anɛ I Pee Klaalo Kaa Ma Ha Nɛ A Baptisi Mi Lo?
O he ma nyɛ maa su kɛ ha baptisimi . . .
Ke o ji fiɛɛlɔ nɛ a baptisii we lɛ.
Ke o kɛ o he woɔ fiɛɛmi ní tsumi ɔ mi be fɛɛ be bɔ nɛ o ma nyɛ.
Ke o fĩɔ “tsɔlɔ anɔkualetsɛ kɛ ní lelɔ ɔ” se, nɛ o kɛ e blɔ tsɔɔmi tsuɔ ní.—Mateo 24:45-47.
Ke o jɔɔ o he nɔ kɛ ha Yehowa ngɛ sɔlemi mi, nɛ o suɔ nɛ o sɔmɔ lɛ kɛ ya neneene.
Ke o na kaa o pee klaalo kaa o ma ha nɛ a baptisi mo ɔ, o Baiblo tsɔɔlɔ ɔ maa to blɔ nya nɛ́ o ya na asafo mi nikɔtɔma amɛ konɛ a kɛ mo nɛ susu níhi nɛ maa ye bua mo nɛ o he nɛ su kɛ ha baptisimi ɔ he.