Asʋ̃ Miziyeziye Mʋ Nwʋ a?
Asʋ̃ Miziyeziye Mʋ Nwʋ Kɛɛ Mɩ Nɩɩ Asafʋ Yɩ Kɔwɔ Numɔ Kɔhɔ Dasɩlɛlilɛ a?
Sɛ ɔkɔhʋla ɛkɛyɛ ɛlawulowɔlɛvʋlɔ mɔɔ olónumanlɩ a, ɩsɛ kɛɛ . . .
Eɣile bela ɛkɩnga Bayɩbʋlʋ, ɔbɔ mpayɩ, na ɔkɔ asafʋ ayiyialɩyɛ.
Ɛma wʋ anyɩ ideli mɔɔ osumaa yɩ nwʋ, ede edi, na enyia ɛpɛ kɛɛ ɛkɛhã nwʋmɔ odwokɔ ekehile mmenii.
Ɔdɔ Gyehova na ɛfa mmenii mɔɔ bɔdɔ yɩ nɩ kɛɛ wʋ ɔhɔnwʋmmɔ paa.
Ɔtwɩ̃ wʋ nwʋ wɔ manlɩyɛlɛ okuwu anzɛnyɩɩ awohwi ɔzʋ̃mɩnlɛ bela nwʋ.
Ɛfa Gyehova yɩ mmɛla ɔbɔ wʋ ɛbɩla na enyia ɛpɛ kɛɛ ɛkɛyɛ Gyehova Dasɩvʋlɔmaa bo nu ɔkʋ̃.
Sɛ ɛtɩ nɣanlɩ kɛɛ eziyeziye wʋ nwʋ kɛɛ ɛ nɩɩ asafʋ yɩ kɔwɔ numɔ kɔhɔ dasɩlɛlilɛ a, sa wʋ Bayɩbʋlʋ kilehilevʋlɔ nɩ ɩkʋla ɩyɛ nhyɩhyɛlɩyɛ ma asafʋ nu mbanimbani beyiyia wʋ, na bɛazunzu kezimɔ ɔkɔhʋla ɛkɛvata nwʋ
Asʋ̃ Miziyeziye Mʋ Nwʋ Kɛɛ Mukonluma a?
Sɛ ɛkɛvata ɛkɛma onlumanlɛ a, ɩsɛ kɛɛ . . .
Ɛyɛ ɛlawulowɔlɛvʋlɔ mɔɔ olónumanlɩ.
Ɛfa mmɩlɩ sʋ̃maa ɔkɔ dasɩlɛlilɛ kɛmɔ wʋ anwʋzɩzɩbɛ ɩkɔhʋla.
Ɔbʋwa “sʋ̃mɩvʋlɔ nɔhʋanlɛvʋlɔ mɔɔ izi nɣɛlɛbɛ nɩ” na ɛfa bɔ ɔhʋanɩhilelɛ ɛyɛ egyima—Matiyu 24:45-47.
Eyila wʋ nwʋ zʋ ɛma Gyehova wɔ mpayɩwɔlɛ nu na enyia ɛpɛ kɛɛ ɔkɔzʋ̃mɩ yɩ daabaa.
Sɛ ɛtɩ nɣanlɩ kɛɛ eziyeziye wʋ nwʋ kɛɛ okonluma a, sa wʋ Bayɩbʋlʋ kilehilevʋlɔ nɩ ɩkʋla ɩyɛ nhyɩhyɛlɩyɛ ma asafʋ nu mbanimbani yi beyiyia wʋ, na bɛazunzu kezimɔ ɔkɔhʋla ɛkɛvata nwʋ.
