Мен белен бе?
Јуунла јарлаарга мен белен бе?
Слер сууга чӧҥӱрилбеген јарчы болор аргалу:
Агару Бичикти јаантайын ӱренип, мӱргӱп, јуунныҥ туштажуларына јӱрӱп турган болзоор;
билип алганаарга бӱдӱп, оны баалап, улуска куучындаарга кӱӱнзеп турган болзоор;
Иегованы сӱӱп турганаар ла јуук најыларды Иегованы сӱӱп турган улустаҥ бедиреп турган болзоор;
политикалык эмезе кудай јаҥныҥ кандый бир организациязына кирбей турган болзоор;
Иегованыҥ нормаларыла јӱрӱп, Иегованыҥ Керечизи болорго кӱӱнзеп турган болзоор.
Слер јуунла кожо јарлаарга бойоорды белен деп сананып турган болзоор, слерле Агару Бичикти ӱренип турган кижи аксагалдарга баштанар. Аксалгалдар слерле туштажып, слерди белен бе, јок по деп шӱӱжип ийер.
Сууга чӧҥӱрилерге мен белен бе?
Слер сууга чӧҥӱрилер аргалу:
сууга чӧҥӱрилбеген јарчы болуп турган болзоор;
канча кире аргагар бар јаантайын јарлап турган болзоор;
«бӱдӱмјилӱ ле керсӱ кулга» јӧмӧжип, олордыҥ башкартузын бӱдӱрип турган болзоор (Матфей 24:45—47);
мӱргӱӱлде јӱрӱмигерди Иеговага учурлап, ого јажын-чакка иштеерге кӱӱнзеп турган болзоор.
Слер бойоорды сууга чӧҥӱрилерге белен деп сананып турган болзоор, слерле Агару Бичикти ӱренип турган кижи аксагалдарга баштанар. Аксалгалдар слерле туштажып, слерди белен бе, јок по деп шӱӱжип ийер.
