Nyo atie ayika?
Nyo atie ayika nidoko jarwey lembanyong’a?
Icopo bedo ayika nidoko jarwey ma fod’ulimo ngo, tekene . . .
Ibed iponjo Biblia, irwo, man ibed icidho i coko ma tung’ tung’ nja.
Imaru lembe m’ibeponjo, iyiyo lembene, man itie kud ava mi koro pire ni jumange.
Imaru Yehova, man jurimbi ma ceng’ini gitie bende ju m’umare.
Iwok cen kud i ungu mi lembgamba kunoke i dini moko ci mi vupo.
Ibekwo kubang’ nindo nimakere ku cik pa Yehova man itie kud ava mi doko Jamulembe pare.
Kan inwang’u nia dong’ itie ayika nidoko jarwey lembanyong’a, icopo weco ku japonjo peri. Ebinyutho kite m’icopo rombo ko ku judong cokiri kara ginen ka nyo iromo doko jarwey.
Nyo atie ayika nilimo batizo?
Icopo bedo ayika nilimo batizo, tekene . . .
Itie jarwey lembanyong’a ma fod’ulimo ngo.
Ibedikiri areri i tic mi rweyo lembanyong’a nimakere ku copo peri ceke.
Ibediko cingi ku “jamiru mandha man ma riek” man ibelubo telowic pare—Matayo 24:45-47.
Idaru thiero kwo peri ni Yehova i rwo man itie kud ava mi timo ire rondo ku rondo.
Kan inwang’u nia dong’ itie ayika nilimo batizo, icopo weco ku japonjo peri. Ebinyutho kite m’icopo rombo ko ku judong cokiri kara ginen ka nyo iromo limo.
