Maherekay to kako misaday han?
Maherekayto Kako Misaday Mirienang to Mitosilay no Kasakopang Han?
Ano mademakay to iso ko ilaenoay a demak, alatek maherekay to kiso misaday malo cowaho ka mipaputisem a mitosilay.
Micerid mikingkiw to Fangcalay Cudad, mitolon ato mirienang to saˈopo no kasakopang.
Pakasoˈlin a maolah to mananamay a kimad iso, makalim sapifanaˈawto tao to mananamay iso.
Maolah ci Yihofaan, ato kalawidang to maolahay to Kawas a tamdaw.
Miliyasayto to mirikecay no sifo ato mararaway a pidoyongan.
Mitooray to palinian ni Yihofa a maˈorip, saka malo Misawacayay Tamdaw ni Yihofa.
Ano maherekay to kiso misaday mirienang to mitosilay no kasakopang i, o singsi no Fangcalay Cudad iso wa padama tisowanan a malacafay to malohemay malitengay a milengo, ikor citatodongto kiso a mitosil alatek.
Misadayayto Kako Micada to Paputisem Han?
Ano mademakay to iso ko ilaenoay a demak, alatek maherekay to kiso misaday micada to paputisem.
Malo o cowaho ka mipaputisem a mitosilay.
Misarocod micerid a mitosil.
Midama to ‘madimadiay citanengay a koli’, mihakelong to sakayat nangra.—Matay 24:45-47.
Sapidaˈocaw midoko ci Yihofaan, patafangayto to tireng no niyah Cingranan i satolon.
Ano maherekay to kiso misaday micada to paputisem i, o singsi no Fangcalay Cudad iso wa padama tisowanan ato malohemay malitengay a milengo, ikor citatodongto kiso a micada to paputisem alatek.
