?Ngue yɛ n kwla yo-ɔ?
?Ngue yɛ ń yó naan e nin asɔnun’n nunfuɛ mun y’a kwla bo jasin fɛ-ɔ?
Sɛ a kunndɛ kɛ á káci jasin bofuɛ mɔ be nin-a yomɛn i batɛmun’n . . .
Kanngan Biblu’n nun titi, srɛ Ɲanmiɛn, yɛ tran aɲia’m be bo.
Ɔ fata kɛ a klo like nga a suan’n, a lafi su yɛ a kɛn i ndɛ kle ɔ wiengu mun.
Klo Zoova yɛ tra be nga be klo i’n be janvuɛ.
Nán fa ɔ wun wla politiki annuanzɛ wie nun, annzɛ Ɲanmiɛn sulɛ wafa nga be timan su’n be nun.
Nanti Zoova i mmla’m be su. Kpɛkun maan ɔ ayeliɛ’n kle kɛ a kunndɛ kɛ á káci Zoova i Lalofuɛ.
Sɛ a nian naan a nin asɔnun’n nunfuɛ’m be kwla bo jasin fɛ’n likawlɛ’n, bo su kle sran ng’ɔ kle wɔ like’n. I kusu ɔ́ bó su klé asɔnun kpɛnngbɛn mun naan be nin wɔ koko su yalɛ.
?Ngue yɛ ń yó naan b’a kwla yo min batɛmun-ɔn?
Sɛ a kunndɛ kɛ be yo ɔ batɛmun’n . . .
Dun mmua kaci jasin bofuɛ mɔ be nin-a yomɛn i batɛmun’n.
Bo jasin fɛ’n titi.
Suan ajalɛ kwlaa nga “junman difuɛ nanwlɛfuɛ m’ɔ si ngwlɛlɛ” fa be’n be bo. —Matie 24:45-47.
Srɛ Zoova se i kɛ a kunndɛ kɛ á fá ɔ wun mɛ́n i naan á sú i blɛ kwlaa nun.
Sɛ a nian naan be kwla yo ɔ batɛmun’n, bo su kle sran ng’ɔ kle wɔ like’n. I kusu ɔ́ bó su klé asɔnun kpɛnngbɛn mun naan be nin wɔ koko su yalɛ.