¿La yitikïr yan?
¿La yitikïr yan nintzijoj ri Biblia rikʼin ri congregación?
Stapeʼ majani at qasan ta pa yaʼ, rat yatikïr natzijoj ri Biblia we...
... rukʼulun chik chawe ri natijoj awiʼ chi rij ri Biblia, yachʼon rikʼin ri Dios chuqaʼ namöl awiʼ pa qamoloj.
... nanimaj chuqaʼ nayaʼ rejqalem ri najin nawetamaj chuqaʼ nawajoʼ natzijoj reʼ chi ke ri chʼaqa chik.
... nawajoʼ ri Jehová chuqaʼ akanon awachibʼil ri nkajoʼ rijaʼ.
... man ajuʼun ta chik awiʼ pa política chuqaʼ kikʼin ri man e qitzij ta religiones.
... nasamajij pa akʼaslem ri rupixaʼ ri Dios chuqaʼ nawajoʼ yatok jun testigo de Jehová.
We nanaʼ chi yatikïr yan natzijoj ri Biblia rikʼin ri congregación, ri atijonel xtchʼon kikʼin ri ukʼwäy taq bʼey, ke riʼ rijeʼ xtkimöl kiʼ awikʼin richin nkitzʼët we ütz chik yatok publicador.
¿La yitikïr yan yiqasäx pa yaʼ?
Ütz chik yaqasäx pa yaʼ we...
... natzijoj yan ri Biblia stapeʼ majani at qasan ta pa yaʼ.
... naxïkʼ awiʼ richin natzijoj ri Biblia.
... najin natoʼ ri «kuqül rukʼuʼx samajel ri kan kʼo runaʼoj» chuqaʼ nanimaj ronojel ri nubʼij. (Mateo 24:45-47 TNM).
... abʼanon chik achʼonïk richin nabʼij chi re ri Jehová chi najäch akʼaslem pa ruqʼaʼ chuqaʼ nawajoʼ nayaʼ ruqʼij richin jantapeʼ.
We nanaʼ chi yatikïr yan yaqasäx pa yaʼ, ri atijonel xtchʼon kikʼin ri ukʼwäy taq bʼey, ke riʼ rijeʼ xtkimöl kiʼ awikʼin richin nkitzʼët we ütz chik yaqasäx pa yaʼ.
