Ngaich Öich Lēn?
Ngaich Öich Lēn Holröön Më Aṅ Ngam Māṅ Öich Ahānga?
Yěm ngaich öm lēn öm hòṅ kētöre pöplisör tö öl nö vōkö hēk yěm hö-ö, ngaich hòṅ hatöönöre më-eṅ tö në intöönö lātaṙeū:
Örheūheu öich ṙung vë-ekūö mat ngam Paipöl, vë-ekūötēv hēk chuh el minë mīting?
Ṙamlōn öich hang minë inlēnö aṅmat ngam Paipöl, ṙatö-ellōnre öich inrē in u, vë-eny nang yip tahëng inrē tö u?
Hangenlōn öich tö Yāvē, keuheūttö ellōnre inrē öich hanôl yip tarik ò?
Ngaich öich kunyī-inyre ṙā-ang el minë tövaich tinlööken hēk tö minë söngkötön vē mā mahayöng ing panam?
Asīnken minë töhet inchöngten öich minë kahëtö Yāvē, hòṅ kaheuktu inrē öich Vamënyen Yāvē?
Yěm akahalōn ngaich töre öm mihôiṅ holröön më aṅ ngam māṅ öm ahānga, ngaich kò-òren öm vë-ekūö öp kamë istötī re nö vë-eny nang yip minṙöinylen, hòṅ yīö holṙô re öi kakkö minë intöönö inlahen hī yěi hòṅ kētöre öi pöplisör tö öl nö vōkö.
Ngaich Öich Lēn Kēḵ Ngam Vinôkö?
Yěm ngaich öm lēn öm hòṅ kēḵ ngam vinôkö hēk yěm hö-ö, ngaich hòṅ hatöönöre më-eṅ tö në intöönö lātaṙeū:
Ngaich öich pöplisör tö öl nö vōkö?
Keuheūttö ellōnre öich hēk örheūheu öich inrē ahangkö ngam tölöök inhānga?
Hang nup töng inlēnö öich kahëtö yip “tökô-en, tö-akaha inrē, mahalanṙen?”—Mëtiv 24:45-47.
Ngaich öich vë-eny nang Yāvē töre öich hòṅ kētöre öich löklōn ò? Höng hòṅ örheūheu öich inrē löklōn ò?
Yěm akahalōn ngaich töre öm mihôiṅ vōkö, ngaich kò-òren öm vë-ekūö öp kamë istötī re nö vë-eny nang yip minṙöinylen, hòṅ yīö holṙô re öi kakkö minë intöönö inlahen hī yěi hòṅ kēḵ ngam vinôkö.
