¿Chajpʌbiloñix ba?
¿Chajpʌbiloñix ba chaʼan mic chaʼlen subtʼan quicʼot jiñi congregación?
Jatet maʼ mejlel ti sujtel ti juntiquil xsubtʼan maxto bʌ chʼʌmbilic i chaʼan jaʼ mi...
mucʼʌch a chʌcʌ pejcan a Biblia, maʼ chaʼlen oración yicʼot mi mucʼʌch a wajñel ti tempa bʌ tac yaʼ ti congregación.
mucʼʌch a ñop yicʼot maʼ qʼuel ti ñuc jiñi woli bʌ a cʌn tilel yicʼot a wom a suben yambʌlob.
mucʼʌch a cʼuxbin Jehová yicʼot an a sʌcla a wamigojob muʼ bʌ i cʼuxbiñob jaʼel.
añix a locʼsa a bʌ ti jumpʼejl organización i chaʼan bʌ política o ti jumpʼejl ñopbalʌl mach bʌ i sujmic.
mucʼʌch a jacʼ jiñi i mandar tac Dios yicʼot a wom sujtel tiʼ testigo Jehová.
Mi chajpʌbiletix maʼ wubin a bʌ chaʼan maʼ chaʼlen subtʼan a wicʼot jiñi congregación, jiñi woli bʌ i yʌqʼueñet estudio mi caj i suben jiñi ancianojob i mi caj i tempañob i bʌ yicʼotet chaʼan miʼ qʼuelob mi mucʼʌch a tsʼʌctesan jiñi muʼ bʌ i cʼajtintel.
¿Chajpʌbiloñix ba chaʼan mic chʼʌmjaʼ?
Jatet chajpʌbiletix chaʼan maʼ chʼʌmjaʼ mi...
juntiquil xsubtʼañet maxto bʌ chʼʌmbilic i chaʼan jaʼ.
maʼ chaʼlen subtʼan cheʼ bajcheʼ cʼamel maʼ mejlel.
maʼ coltan «jiñi xucʼul bʌ xyaj eʼtel wen am bʌ i ñaʼtʌbal» yicʼot maʼ jacʼ muʼ bʌ i subeñonla (Mateo 24:45-47).
añix a melbe jumpʼejl oración Jehová chaʼan maʼ wʌqʼuen a cuxtʌlel yicʼot a wom a melben i yeʼtel tiʼ pejtelel ora.
Mi chajpʌbiletix maʼ wubin a bʌ chaʼan maʼ chʼʌmjaʼ, jiñi woli bʌ i yʌqʼueñet estudio mi caj i suben jiñi ancianojob i mi caj i tempañob i bʌ yicʼotet chaʼan miʼ qʼuelob mi mucʼʌch a tsʼʌctesan jiñi muʼ bʌ i cʼajtintel.