Na kuwapaikire ndi?
Na kuwapaikire kuyuvhita kumwe nambungakriste ndi?
Ove kuvhura u wapere kukara muyuvhiti wakupira kuwana liyoghero nangeshi . . .
Kukushonga Bibeli, kuraperera ntani kuyenda kumapongo ghambungakriste kehe pano.
Wa hora nakupura ovyo una kukushonga ntani nakuhora kutanterako vapeke.
Wa hora Jehova ntani wa horowora ovo va mu horo va kare vaholi voye vavanene.
Wa kughupa mo naumoye mumbunga dapolitika namaukarelikarunga ghavimpempa.
Kuparuka kukuwa nampango daJehova ntani nakushana kukara umwe waMbangi daJehova.
Nangeshi ove kuna kukuyuvha ashi una wapere kuvareka kuyuvhita nambungakriste, ogho wa kushonganga naye nga tura po mawapaiko kumwe navakurongambunganga mutimwitire nange una wapere.
Na kuwapaikire kuwana liyighero ndi?
Kuvhura u wapere kuwana liyoghero nangeshi . . .
Ove muyuvhiti wakupira kuwana liyoghero.
Ove wakutura mo unene mushirughana shakuyuvhita.
Ove kukwatita ko nakukwama mapukururo ghakutunda “kumukareli wakulimburukwa wandunge.”—Matheus 24:45-47.
Ove wakutapa kwa Jehova mundapero nakuhora kumurughanena naruntje.
Nangeshi ove kuna kukuyuvha ashi una wapere liyoghero, ogho wa kushonganga naye nga tura po mawapaiko kumwe navakurongambunga nga mutimwitire nange una wapere.
