Mo̱ ne be̱be̱ e?
Mo̱ ne be̱be̱ o botea te̱ dikalo na mwemba e?
We ná o be̱ be̱be̱ o be̱ mute̱ dikalo nu si dubisabe̱ yete̱na o . . .
Mokwa Bibe̱l, o makane̱, o mukea pe̱ o ndongame̱n ponda ye̱se̱.
To̱ndi nje o mokwano̱, o dube̱ mo̱, o be̱n pe̱ ńo̱ngi o langwea bape̱pe̱ mo̱.
To̱ndi Yehova, o be̱n pe̱ nde bato bena ba to̱ndi mo̱ ka mako̱m.
Titi pe̱ elong’a ńaṅ la politik to̱ diwo̱ to̱ ya ebasi e kwedi to̱ ewo̱.
Madie̱le̱ longe̱ lo̱ngo̱ kaponda bete̱sedi ba Yehova, o mapula pe̱ timba Mboṅ a Yehova.
O mo̱nge̱le̱ te̱ ná we be̱be̱ o te̱ dikalo na mwemba, mutombise̱ jokwa lo̱ngo̱ e ná a bola ná o dongame̱ne̱ batudu ná lo kwaleye ońola nika.
Mo̱ ne be̱be̱ ońola dubise̱ e?
We ná o be̱ be̱be̱ ońola dubise̱ yete̱na . . .
We mute̱ dikalo nu si dubisabe̱.
O mate̱ dikalo ponda ye̱se̱ bupisane̱ ngud’ango̱.
O masue̱le̱ na bupe̱ pe̱ bediedi ba “mūt’a jemea na jangwa.”—Mateo 24:45-47.
O mábake̱ wame̱ne̱ na Yehova o muka, o mapula pe̱ bolea mo̱ o bwindea.
O mo̱nge̱le̱ te̱ ná we be̱be̱ ońola dubise̱, mutombise̱ jokwa lo̱ngo̱ e ná a bola ná o dongame̱ne̱ batudu ná lo kwaleye ońola nika.
