Aso Mayɛ Krado?
Aso Mubotum Nye Asafo No Abɔ Mu Akɔ Asɛnka?
Sɛ eyɛ ndzɛmba a odzidzi do yi a, ibotum afata dɛ ɔdawurbɔfo a wonnumaa no:
Sua Bible no da biara, taa bɔ mpaa, na mma mma asafo nhyiamu biara mmpa wo tsir do.
Ma w’enyi ngye dza irusua no ho, gye dzi, na ka ho asɛm akyerɛ nkorɔfo.
Dɔ Jehovah, na enye hɔn a wɔdɔ Jehovah no so mbɔ.
Sɛ edɔm amanyɛkuw bi anaa edze woho abɔ ator som bi a, twe woho fi hɔn ho.
Fa Jehovah ne mbra bɔ wo bra, na ma obiara nhu dɛ epɛ dɛ ebɛyɛ Jehovah Dasefo.
Sɛ epɛ dɛ enye asafo no bɔ mu kɔ asɛnka a, ka ho asɛm kyerɛ obi a ɔnye wo sua Bible no. Ɔbɛka akyerɛ asafo mu mpanyimfo no, na mpanyimfo no nye wo bosusu nsɛm ho ahwɛ dɛ efata anaa.
Aso Mubotum Abɔ Esu A?
Sɛ eyɛ ndzɛmba a odzidzi do yi a, ibotum abɔ esu:
Bɛyɛ ɔdawurbɔfo a wonnumaa no.
Bɔ mbɔdzen yɛ asɛnka edwuma no bi dɛ mbrɛ w’ahoɔdzen botum.
Dzi akwankyerɛ biara a “akowaa nokwafo nye nyansafo” no dze bɛba no do.—Matthew 24:45-47.
Bɔ mpaa ka kyerɛ Jehovah dɛ epɛ dɛ edze wo nkwa nda nyina som no.
Sɛ epɛ dɛ wonuma wo a, ka ho asɛm kyerɛ obi a ɔnye wo sua Bible no. Ɔbɛka akyerɛ asafo mu mpanyimfo no, na mpanyimfo no nye wo bosusu nsɛm ho ahwɛ dɛ efata anaa.
