Un ka Ðò Gbesisɔmɛ À?
Un ka Ðò Gbesisɔmɛ Bo Na Nɔ Ðɔ Mawuxó Xá Agun ɔ À?
A sixu ɖò gbesisɔmɛ bo na huzu wɛnjlatɔ́ e ma ko bló baptɛm ǎ é ɖé, enyi a nɔ wà nǔ elɔ lɛ ɔ nɛ:
A nɔ kplɔ́n Biblu, bo nɔ xoɖɛ, lobo nɔ yì kplé agun tɔn lɛ ɖò gbesisɔmɛ.
A yí wǎn nú nǔ e kplɔ́n wɛ a ɖè lɛ é bo ɖi nǔ na, lobo jló na ɖɔ nǔ enɛ lɛ xó nú mɛ ɖevo lɛ.
A yí wǎn nú Jehovah bo zun xɔ́ntɔn vívɛ́ xá mɛ e yí wǎn n’i lɛ é.
A sɔ́ ɖò toxóɖɔgbɛ́ta alǒ sinsɛn nǔvú ɖebǔ mɛ ǎ.
A nɔ zán gbɛ̀ sɔgbe xá nǔgbododó Jehovah tɔn lɛ bo jló na nyí Kúnnuɖetɔ́ Jehovah tɔn.
Enyi a mɔ ɖɔ emi ɖò gbesisɔmɛ bo na nɔ ɖɔ Mawuxó kpo agun ɔ kpo ɔ, mɛ e nɔ kplɔ́n Biblu xá we é sixu bló tuto bɔ hwi kpo mɛxo agun tɔn lɛ kpo na ɖɔ xó ɖó kpɔ́ dó lee a sixu jɛxa gbɔn é jí.
Un ka Ðò Gbesisɔmɛ Bo Na Bló Baptɛm À?
A sixu ɖò gbesisɔmɛ bo na bló baptɛm, enyi a nɔ wà nǔ elɔ lɛ ɔ nɛ:
A nyí wɛnjlatɔ́ e ma ko bló baptɛm ǎ é ɖé.
A nɔ ɖ’alɔ ɖò Mawuxóɖiɖɔzɔ́ ɔ mɛ ganji, lee a kpéwú gbɔn é.
A nɔ nɔ gudo nú ‘deví gbejinɔtɔ́ ayiɖotenanɔ ɔ,’ bo nɔ xwedó alixlɛ́mɛ tɔn lɛ.—Matie 24:45-47.
A ko zé hwiɖée jó nú Jehovah ɖò ɖɛ mɛ, bo jló na sɛn ɛ kaka sɔyi.
Enyi a ɖò gbesisɔmɛ bo na bló baptɛm ɔ, mɛ e nɔ kplɔ́n Biblu xá we é sixu bló tuto bɔ hwi kpo mɛxo agun tɔn lɛ kpo na ɖɔ xó ɖó kpɔ́ dó lee a sixu jɛxa gbɔn é jí.
