Miɗo hebilii ?
Miɗo hebilii wonugol waajotooɗo mo lootaaka maande kisiyee ?
No gasa hiɗon hebilii...
si on waɗii jannde Deftere Alla nden, toroɗon Alla e taweɗon ka pottite moftal soono woo.
si hiɗon yiɗi e hiɗon hoolii ko wonɗon janngude kon e si hiɗon faalaa sifanaade ɗun woɓɓe goo.
si hiɗon yiɗi Yahuwah Alla e si on suɓike weldiɓɓe yiɗuɓe mo.
si on selii kala huuwondiral mon e politiki e diina fenaande.
si hiɗon teddini sariyaaji Yahuwah Alla ɗin e si hiɗon faalaa wonude Seedeejo Yahuwah.
Si hiɗon miijii on hebilike fii waajodagol e moftal ngal, yewtidee e jannoowo mon on Deftere Alla nden, ɗun o haalanay ardotooɓe moftal ngal fii yo ɓe yewtidu e mon.
Miɗo hebilii lootegol maande kisiyee ?
No gasa hiɗon hebilii...
si on wonii waajotooɗo mo lootaaka maande kisiyee.
si on waajoto soono woo.
si hiɗon huutorde ko « jiyaaɗo [...] reeniɗo holniiɗo » on jannata kon (Matta 24:45-47).
si on okkii Yahuwah Alla ngurndan mon ɗan e nder toraare e si hiɗon faalaa mo rewude haa poomaa.
Si hiɗon miijii on hebilike fii lootegol maande kisiyee, yewtidee e jannoowo mon on Deftere Alla nden, ɗun o haalanay ardotooɓe moftal ngal fii yo ɓe yewtidu e mon.
