Ès an paré ?
Ès kò an mwen ja bon pou mwen ay préché èvè lasanblé-la ?
Ou dwèt ja paré…
si ou ni labitid étidyé Labib, si ou abityé priyé é si ou toujou ka vin réinyon ;
si ou enmé sa ou ka aprann, si ou ka kwè adan sa ou ka aprann la é si ou anvi pawtajé sa èvè lézòt ;
si ou enmé Jéova é si ou ka chwazi zanmi a-w pawmi moun ki enmé-y osi ;
si ou pa’a mélanjé-w an politik é si ou ja woté kò a-w adan fo-rèlijyon-la ;
si ou ka suiv prensip a Jéova an vi a-w é si ou vlé vin Témwen a Jéova.
Si ou ka santi kè ou ja paré pou ay préché, palé sa èvè moun-la ki ka fè étid a-w la. Konsa i ké vwè sa èvè sé ansyen-la é yo ké pran dispozisyon pou yo pé sa fè on ti kozé èvè-w.
Ès kò an mwen ja bon pou an pran lèbatèm ?
Ou dwèt ja paré…
si ou ja ka préché èvè lasanblé-la ;
si ou ka fè tousa ou pé adan travay a prédikasyon-la ;
si ou ka fè sa « èsklav fidèl é prévwayan la » ka mandé (Matyé 24:45-47) ;
si ou fè on priyè pou ba Jéova vi a-w é pou di-y kè sé yenki li ou ké adoré tout rèstan a vi a-w.
Si ou ka santi kè ou ja paré pou pran lèbatèm, palé sa èvè moun-la ki ka fè étid a-w la. Konsa i ké vwè sa èvè sé ansyen-la é yo ké pran dispozisyon pou yo pé sa fè on ti kozé èvè-w.
