É Kọ M Kpenà Ló?
É Kọọ̀ M̀ḿ Gbóó Láá Zọ̀ Bõ̀ònatõ̀ò Kọ́ Kpẹ̀a?
Òó láá dú neǹ kọ̀ kpẹ̀a ea gáà dììa múú be . . .
Ò ólò bugi Kpá Káí, tã̀àgã ló Bàrì, vaá sí nònù.
Ò nveè ka ló vaá ziga ló gbò nú eo gé nó vaá gbĩ́ gè kọ́ nè dõòna gbò.
Ò vulè Jìhóvà vaá bã̀àà kóò gbò e bà vulèe.
O beè tú o bée lọl zẹ̀ẹ̀ gbò e bà dṹùnà bõ̀ònaló ea nveè sãa kúm bìlà bẹbẹ̀l àbèè bõ̀ònaló kyáá fã̀.
Ò tõó boo gbò nòòkúù Jìhóvà vaá gbĩ́ gè dú enè Neǹ Ditõ̀ò Jìhóvà.
Be ò mon kọọ̀ o kpenàè ló gè zọ̀ bõ̀ònatõ̀ò kọ́ kpẹ̀a, nen ea ólò noòmà ni Kpá Káí é noo naa ní eo é mon gbò kànen kọbé bà zọ́ ni loá bel boo gbò nú eo é náa kọbé ò sim tùlà.
É Kọọ̀ M̀ḿ Gbóó Láá Dììa Múú?
Òó láá dììa múú be . . .
Ọ̀ọ̀ neǹ kọ̀ kpẹ̀a ea gáà dììa múú.
Ò ólò kọ́ kpẹ̀a inmá kiẽ́e eo kpóó sim tùlà.
Ò ólò nvèè sãa kúm vaá tõó boo tùle ea aa bá “gyóòlo ea nyímá nu vaá bọ́ló dẹ̀lẹ̀ nyíé boo.” —Máátìù 24:45-47.
O beè kìn lóó nè Jìhóvà mm̀ tã̀àgã ló vaá gbĩ́ gè sí tóm nèe dọ̀ọ̀mà dè-dè.
Be ò mon kọọ̀ o kpenàè ló gè dììa múú, nen ea ólò noòmà ni Kpá Káí é noo naa ní eo é mon gbò kànen kọbé bà zọ́ ni loá bel boo gbò nú eo é náa kọbé ò sim tùlà.