Gɛ́ pələ pɛliɛi ?
Gɛ́ pələ pɛliɛi gɛ́ pɛli kɛi a Yálá Lawoo laahəlimun yii ho nii batɛɛmu həɠə li ?
Ya kɛi mɛniɠaa ŋɛi kɛ ə́ kaa pai ɲaakaai akɛ ə́ kɛ pələ pɛliɛi yɛ́ pɛli kɛi a Yálá Lawoo laahəlimun yii ho nii batɛɛmu həɠə li :
Ə́ wɔ Biblə kalan mɛni hee gbaŋa kpɔ a nɛlɛɛ, yɛ́ Yálá hwɛli, yɛ́ li ŋaakpɔnŋaa ɓa.
Mɛniɠaa ə́ kaa maakwɛlii laana kpɔ a neelee, nwɛli ə́ too yɛ́, ə lɛɛ yɛ́ mo nu takpɛliɠaa diɛ.
Zehova wɛlilakɛ ə lɛɛ nuai da Zehova wɛlilakɛ ə di həɠə ɉu a ə́ ɓəlaa.
Ə́ laa kulɔ politikə mɛniɠaa hu ə lɛɛ ə́ kulɔ lɛɛkalan lɔpee gəlee hu.
Ə́ kɛ mɛni a Zehova ŋɔ Kəla ta yili wɛli ə too yɛ́ kpɔ kɛnɛ ə lɛɛ ə́ Zehova ŋɔ tɔnŋaa pɔ tuwɔɓo ə́ wɔ yɛnɛɛ hu.
Ya gaa yɛ́ ma ə́ kɛ pələ pɛliɛi yii yaan ka galan gbɔn ɉu nua kaa kulɔ kaa Yálá Lawoo laahəli, nui a kɛ Biblə kalan ɉii yɛ́ ə́ woo hukulɔ ma. Gaa pai hwaai kalaɉonŋaa pɔ, ə gɛ ka diɛ ni ka ka kee kaa, diɛ pɛli gaa akɛ ə́ kɛ pələ pɛliɛi.
Gɛ́ pələ pɛliɛi gɛ́ pɛli batɛɛmu həɠəi ?
Ya kɛi mɛniɠaa ŋɛi kɛ ə́ kaa pai ɲaakaai akɛ ə́ kɛ pələ pɛliɛi yɛ́ pɛli batɛɛmu həɠəi :
Akɛ ə́ kaa ɓaa Yálá Lawoo laahəlimun yii ho nii ɓatɛɛmu həɠə li.
Akɛ ya kɛ Yálá Lawoo laahəlii kɛlɛ-kɛlɛ, yɛ pələi kpɔ ya pɛli ə́ gɛ la.
Mɛniɠaai luwɔ təlimoɔ kiliŋalaa a mo, akɛ ya kɛ́ bɔ mɛni kɛi (Matie 24:45-47).
Akɛ yaa ə́ kpɔɔ tɛɛ Zehova pɔ hwɛliwoo hu ə lɛɛ ə́ kaa bɔ ə́ niiɓa kɛ a yələ kəlee.
Ya gaa yɛ́ ma ə́ kɛ pələ pɛliɛi yɛ́ pɛli batɛɛmu həɠəi, nui a kɛ Biblə kalan ɉii yɛ́ ə́ woo hukulɔ ma. Gaa pai moi kalaɉonŋaa diɛ ə gɛ ka diɛ ni ka ka kee kaa.
