Be N’Ko Wleawufo Ya?
Be N’Ko Wleawufo Nado Jẹ Yẹwhehodọ Ji hẹ Agun lọ Ya?
A sọgan mọdọ emi ko wleawufo nado lẹzun wẹnlatọ he ma ko yí baptẹm de eyin a . . .
Nọ plọn Biblu to gbesisọ mẹ, nọ hodẹ̀ whẹwhẹ bo ma nọ gọ̀n opli agun tọn lẹ.
Nọ yọ́n pinpẹn nuhe plọn a te lẹ tọn, kudeji dọ yé yin nugbo bosọ nọ jlo nado dọho gando yé go na mẹdevo lẹ.
Yiwanna Jehovah bo nọ jihọntọn pẹkipẹki hẹ mẹhe yiwanna ẹn lẹ.
Ko gbàgbẹ́ pipli tonudidọ tọn kavi sinsẹ̀n lalo tọn depope he mẹ a sọgan ko te dai lẹ tọn.
Nọ zìn gbọn nujinọtedo Jehovah tọn lẹ ji to gbẹzan towe mẹ bosọ jlo na yin dopo to Kunnudetọ Jehovah tọn lẹ mẹ.
Eyin a mọdọ a ko wleawufo nado jẹ yẹwhehodọ ji hẹ agun lọ, mẹhe to Biblu plọn hẹ we sọgan basi tito na mẹho lẹ nido dọhodopọ hẹ we bo pọ́n eyin a ko pegan.
Be N’Ko Wleawufo Nado Yí Baptẹm Ya?
A sọgan mọdọ emi ko wleawufo nado yí baptẹm eyin a . . .
Ko yin wẹnlatọ he ma ko yí baptẹm de.
Nọ do mahẹ gigọ́ to azọ́n yẹwhehodidọ tọn lọ mẹ to gbesisọ mẹ, dile a penugo do.
Nọ nọgodona “afanumẹ nugbonọ podọ nuyọnẹntọ lọ” bosọ nọ hodo anademẹ etọn lẹ.—Matiu 24:45-47.
Ko hodẹ̀ nado klan gbẹzan towe do wiwe hlan Jehovah bosọ tindo ojlo nado sẹ̀n ẹn kakadoi.
Eyin a mọdọ a ko wleawufo nado yí baptẹm, mẹhe to Biblu plọn hẹ we sọgan basi tito na mẹho lẹ nido dọhodopọ hẹ we bo pọ́n eyin a ko pegan.
