Handa Na Bala Ako?
Handa Na Bala Ako Magbantala Upod sa Kongregasyon?
Puede ka na mangin indi bawtismado nga manugbantala kon . . .
Regular ka nga nagatuon sang Biblia, nagapangamuyo, kag nagatambong sa mga miting sang kongregasyon.
Ginapabaloran mo kag kumbinsido ka sa imo mga natun-an kag gusto mo ini isugid sa iban.
Palangga mo si Jehova kag ang ginapili mo nga mga abyan amo ang mga nagapalangga man sa iya.
Indi ka na miembro sang bisan ano nga pulitikal nga organisasyon ukon butig nga relihion.
Ginasunod mo ang mga sugo ni Jehova kag gusto mo mangin isa sa mga Saksi ni Jehova.
Kon handa ka na magbantala upod sa kongregasyon, updan ka sang nagatudlo sa imo sa Biblia sa pagpakig-istorya sa mga gulang para mabinagbinag kon kalipikado ka na.
Handa Na Bala Ako Magpabawtismo?
Puede ka na mabawtismuhan kon . . .
Isa ka na ka indi bawtismado nga manugbantala.
Pirme ka nagabantala suno sa imo kahimtangan.
Ginasuportahan kag ginasunod mo ang instruksion sang “matutom kag mainandamon nga ulipon.”—Mateo 24:45-47.
Nadedikar mo na ang imo kaugalingon kay Jehova paagi sa pangamuyo kag gusto mo sia alagaron sing wala katapusan.
Kon handa ka na magpabawtismo, updan ka sang nagatudlo sa imo sa Biblia sa pagpakig-istorya sa mga gulang para mabinagbinag kon puede ka na mabawtismuhan.
