Պատրա՞ստ եմ
Պատրա՞ստ եմ ժողովի հետ մասնակցել քարոզչական գործին
Դու կարող ես համարվել չմկրտված քարոզիչ, եթե համապատասխանում ես հետևյալ պահանջներին։
Կանոնավոր ուսումնասիրում ես Աստվածաշունչը, աղոթում ես և մասնակցում ես ժողովի հանդիպումներին։
Գնահատում ես այն ամենը, ինչ սովորում ես, հավատ ես ընծայում դրանց և պատմում ես ուրիշներին։
Սիրում ես Եհովային և ընկերներ ես ընտրում այն մարդկանցից, որոնք սիրում են նրան։
Խզել ես կապերդ այն քաղաքական և կրոնական կազմակերպությունների հետ, որոնց գուցե անդամակցել ես։
Ապրում ես Եհովայի չափանիշների համաձայն և ցանկանում ես դառնալ Եհովայի վկա։
Եթե կարծում ես, որ արդեն պատրաստ ես ժողովի հետ մասնակցել քարոզչական գործին, ապա քեզ հետ Աստվածաշունչ ուսումնասիրողը հոգ կտանի, որ երեցները հանդիպեն քեզ հետ և տեսնեն, թե արդյոք համապատասխանում ես չմկրտված քարոզիչ լինելու չափանիշներին։
Պատրա՞ստ եմ մկրտվելու
Դու թերևս պատրաստ ես մկրտությանը, եթե արել ես հետևյալ քայլերը։
Դարձել ես չմկրտված քարոզիչ։
Քո հնարավորության սահմաններում մասնակցում ես քարոզչական գործին։
Թիկունք ես կանգնում և հետևում ես «հավատարիմ և իմաստուն ծառայի» առաջնորդությանը (Մատթեոս 24։45–47)։
Աղոթքով նվիրվել ես Եհովային և ցանկանում ես հավիտյան ծառայել նրան։
Եթե կարծում ես, որ պատրաստ ես մկրտությանը, ապա քեզ հետ Աստվածաշունչ ուսումնասիրողը հոգ կտանի, որ երեցները հանդիպեն քեզ հետ և տեսնեն, թե արդյոք պատրաստ ես մկրտվելու։