Hapo ami mbe rirongerisa?
Hapo ami mbe rirongerisa pu pa yenene okuzuvarisa pu nombongo?
Mo yenene okurira omuzuvarise ngu hi ya papitisiwa indu tji u . . .
Konḓonona Ombeibela aruhe, okukumba, nokuyenda kozombongarero zombongo.
Nongamburiro nokusuvera oviṋa mbi u rihonga, nokuraera varwe oviṋa mbyo.
Suvera Jehova nokutoorora omapanga nge mu suvera.
He ri okaṋepo kotjira tjopolotika poo kongamburiro ngamwa aihe yoposyo.
Kongorera omirari vya Jehova nokuvanga okurira Omuhongonone wa Jehova.
Indu tji mo munu kutja wa pu okuuta okuzuvarisa pu nombongo, ingwi ngu mu rihonga pamwe Ombeibela ma tjiti kutja mu hakaene ku novanene vombongo okutara kutja mo sokutjita vi.
Hapo ami mba yenene okupapitisiwa?
Ove mo yenene okurirongerisa kutja u papitisiwe indu tji u . . .
Ri omuzuvarise ngu hi ya papitisiwa.
Kara norupa motjiungura tjokuzuvarisa otja pu mo yenene.
Yandja oruvara nokukongorera omuhunga mbu za ‘komukarere omuṱakame nomunazondunge.’—Mateus 24:45-47.
Vanga okukarera Jehova nga aruhe na tji we riyandja omuini ku ye mongumbiro.
Indu tji mo munu kutja wa pu okupapitisiwa, ingwi ngu mu rihonga pamwe Ombeibela ma tjiti kutja mu hakaene ku novanene vombongo okutara kutja mo sokutjita vi.
