Kati Aku Udah Sedia?
Kati Aku Udah Sedia Nginjil enggau Eklisia?
Nuan engka udah besedia nyadi penginjil ke bedau dibaptisa enti nuan . . .
Enggau tetap belajarka Bup Kudus, besampi, sereta datai ngagai gempuru.
Rindu sereta arapka utai ti dipelajarka nuan sereta deka madahka utai ti dipelajarka nuan ngagai orang bukai.
Rinduka Jehovah lalu milih orang ti rinduka Jehovah nyadi kaban rapat nuan.
Udah pansut ari gerempung politik tauka gerempung pengarap pelesu.
Idup sejalai enggau standard Jehovah lalu deka nyadi seiku ari Saksi-Saksi Jehovah.
Enti nuan ngasaika diri udah besedia deka nginjil enggau eklisia, pengajar Bup Kudus nuan ulih ngatur ngambika tuai gempuru ulih berandau enggau nuan sekalika nuan layak tauka enda.
Kati Aku Udah Sedia Dibaptisa?
Nuan engka udah besedia dibaptisa enti nuan . . .
Udah nyadi penginjil ke bedau dibaptisa.
Enggau naka ulih tetap nginjil.
Nyukung sereta nitihka atur ari “ulun ke tetap ati sereta bepenemu-dalam.”—Matthew 24:45-47.
Udah nyerahka diri ngagai Jehovah nengah sampi lalu deka nyembah Iya belama iya.
Enti nuan ngasaika diri udah besedia deka dibaptisa, pengajar Bup Kudus nuan ulih ngatur ngambika tuai gempuru ulih berandau enggau nuan sekalika nuan layak tauka enda.
