N Le Tutu Ɛɛ?
N Le Tutu Ō Yuklɔ Ku Ɔna Ō Ta Mla Ujɔ Ɛɛ?
lɔfu le tutu ō kwu piya ɔcɛ ō tɔɔna ɛlā Ɔwɔico nōó ya ubatisim ɛ ŋ, ɔdaŋ ku a . . .
Gē ya oklɔcɛ ku Ubáyíbu ojigogo, gē gbɔɔkɔ klla gē nyɔ gā ōjila ku ujɔ.
Yihɔtu ɔdā nɛ a yɔ i nwu a, kpɔtuce ɔ klla dɔka ō da ācɛ ɔhá lɛyikwu ɔ.
Yihɔtu ku Ujehofa klla fu aɔkpa nōo yihɔtu nu.
Lɛ abɔ ku uwɔ fu ŋma ɔwa ku imeli duuma amāŋ ɔwɛ ō gba ɛ̄gbā ku ɛkɛmgbɛ duuma.
Gē lā oyeeyi nōo cɛtɔha mla ɔwɛ ku Ujehofa klla dɔka ō kwu piya éyi ku Ācɛ Ocijali Ku Ujehofa.
Ɔdaŋ ku a gbɛla ku a le tutu ō tɔɔna mla ujɔ ɛɛ, ɔcɛ nōo gē ya oklɔcɛ ku Ubáyíbu mla uwɔ a géē ya ōmiya ku ɛgɛ nɛ a géē má anyakwɔcɛ ku ujɔ, o ya ɛɛ ku aa kɔka ɔdaŋ ku a le cika jɛ ɛ.
N Le Tutu Ō Ya Ubatisim Ɛɛ?
A lɔfu le tutu ō ya ubatisim ɛ ɔdaŋ ku a . . .
Wɛ ɔcɛ ō tɔɔna ɛlā Ɔwɔico nōó ya ubatisim ɛ ŋ.
Gē yuklɔ ku ɔna ō ta ojigogo ɛgɛ nɛ ɔfu ku uwɔ jɛ lɛ a.
Gē je otabɔ klla gē yɛce ukɔ́ ku “ɔ̄cocɛ̄hɔ̄ nēé cíkā ō lɛ ɔtū ce ɔ́, nōo jéeyī” a. —Umátiyu 24:45-47.
Kwu iyi uwɔ i gwɛɛya lɛ Ujehofa ipu ɔkɔ ō gba klla dɔka ō gba ɔ ɛ̄gbā ogboogboo ɛcɛ.
Ɔdaŋ ku a gbɛla ku a le tutu ō ya ubatisim ɛɛ, ɔcɛ nōo gē ya oklɔcɛ ku Ubáyíbu mla uwɔ a géē ya ōmiya ku ɛgɛ nɛ a géē má anyakwɔcɛ ku ujɔ, o ya ɛɛ ku aa kɔka ɔdaŋ ku a le cika jɛ ɛ.
