M̀ Nwụlanọ lẹ?
M̀ Nwụlanọ Nyọka Kpa Ẹrụ Ọnyịịla Pyẹ Bala Ọjịra-jịra lẹ?
À ka ri ọngọ kpa ẹrụ ọnyịịla pyẹ myị́ kori ká . . .
Kaa jẹ́ ịBayịbụụ, raabwọ, bala ọ-ka ọjịra-jịra ụka myị́ ụka.
Ang ọlẹ ká wẹẹ jẹ́ á háng, ká myị ọnụ jwoo, bala ọ-tịtọ nyọka ya je angịkịla.
IJihova á háng, ká la aligu ịlẹ kị la ọháha ẹ-ẹga nyamwụ.
Ri ụpa nya ogu nya upe lee ịgba ọgbagba nya ọnọọkịla ọlẹlẹhẹ ka.
Kaa hịhị ba ehile nya iJihova jẹ bala ọ-tịtọ nyọka ri Olibeenu nya iJihova.
Kori ká yẹ nyori à nwụlanọ nyọka kpa ẹrụ ọnyịịla pyẹ bala ọjịra-jịra lẹ, ọngọlẹ kọ kaa mẹ ịBayịbụụ jẹ́ng ka jẹ́-ẹ ya ká ahụ bala angịgbahị ka tawụlẹ nyọka ya ẹla u-uhye nya abwọlẹ ká ka bwu họ ịnyị.
M̀ Nwụlanọ Nyọka Hu Enyi Ohe lẹ?
À ka hu enyi Ohe myị́ kori ká . . .
Ri ọngọ kpa ẹrụ ọnyịịla pyẹ.
Kaa kpa ẹrụ ọnyịịla pyẹ hyaa-hyaa jaabwọ á ka jụ họ ba myị́.
Kaa chẹkpẹ ju “ọnchẹ ọ-chịla o-hu ọkịlẹtụ ha bala ọngọ jẹ́ ẹla” bala ọ-ba ẹla ọmẹjẹ nyaa jẹ.—ỊMatiyu 24:45-47.
Hu ịlọng ju iJihova ụ-ụbwọ ẹ-ẹpwụ nya abwọ ọrịrị bala ọ-tịtọ nyọka gbịgba họọ gboyi myị́ oyi.
Kori ká yẹ nyori à nwụlanọ nyọka hu enyi Ohe lẹ, ọngọlẹ kọ kaa mẹ ịBayịbụụ jẹ́ng ka jẹ́-ẹ ya ká ahụ bala angịgbahị ka tawụlẹ nyọka ya ẹla u-uhye nya abwọlẹ ká ka bwu họ ịnyị.
