U Chẹ Mọla?
U Chẹ Mọla Ku Na J’uchẹnyọ Kp’Ujeju Abudọ?
Ẹ neke mud’ajuchẹnyọ ki ma che baptism ta n ichẹñwu k’ẹ . . .
Ch’ukọchẹ Baibul, k’ẹ ch’adua k’ẹ la any’ujeju abudọ iko duu.
Fẹdọ amẹñwu k’ẹ kọchẹ, k’ẹ kẹdọno ma, k’ẹ la añọ tene eka ñw’amonẹ lugbo-wñ.
Fẹdọ Jihofa, ki la ch’abo ki afẹdọ Jihofa ẹ du ch’amonukwu wẹ.
F’odu wẹ kpalu kwefu ọtakada ujabe abẹki ujọ ọna-Ọjọ-egwa ọlemi.
Chẹñwu ọna k’Ọjọ tene, k’ẹ la atene ech’ẹnẹ ka efu Amẹnibenu Jihofa.
Ichẹñwu k’ẹ neju kaki ọla wẹ chẹ mu ej’uchẹnyọ kpai ujeju abudọ, ẹnẹ ki ach’ukọchẹ Baibul kp’uwẹ neke ka ñwu abogijo ku ma d’iko tẹ ku ma ka ñwẹ amẹñwu ki dukpẹ k’ẹ che.
U Chẹ Mọla K’u Che Baptism?
Ẹ neke bọjọ eche baptism ichẹñwu k’ẹ . . .
Ch’ajuchẹnyọ ki ma che baptism ta n.
Dufu na j’uchẹnyọ iko t’iko dabalu k’ukpahiu wẹ bọjọ kade.
Leb’ukọ ki kwugbo “adu ki ch’achubi ondu-wñ kpai anibe.”—Matiu 24:45-47.
F’ọla wẹ datẹ ñwu Jihofa ef’adua k’ẹ la atene k’ẹ rẹ Jihofa ogbegbelẹ.
Ichẹñwu k’ẹ neju kaki ọla wẹ chẹ mu eche baptism, ẹnẹ ki ach’ukọchẹ Baibul kp’uwẹ neke ka ñwu abogijo ku ma d’iko tẹ ku ma ka ñwẹ amẹñwu ki dukpẹ k’ẹ che.
