Nakasaganaak Kadin?
Nakasaganaak Kadin a Mangasaba a Kadua ti Kongregasion?
Mabalin a nakasaganakan nga agbalin a di bautisado nga agibumbunannag no . . .
Regularkan nga agad-adal iti Biblia, agkarkararag, ken umat-atender kadagiti gimong ti kongregasion.
Ap-apresiarem ken patiem dagiti maad-adalmo ken kayatmo nga ibaga dayta iti sabsabali.
Ay-ayatem ni Jehova ken ti pilpiliem nga agbalin a nadekket a gagayyemmo ket dagiti mangay-ayat kenkuana.
Nagikkatkan a miembro ti aniaman nga asosasion ti politika wenno ulbod a relihion.
Agbibiagkan maitunos iti estandarte ni Jehova ken kayatmo ti agbalin a Saksi ni Jehova.
No mariknam a nakasaganakan a mangasaba a kadua ti kongregasion, mabalin a kaduaennaka ti mangyad-adal kenka iti Biblia nga umasideg kadagiti panglakayen tapno maammuam dagiti mabalinmo nga aramiden tapno makualipikarka.
Nakasaganaak Kadin nga Agpabautisar?
Mabalin a nakasaganakan nga agpabautisar no . . .
Maysakan a di bautisado nga agibumbunannag.
Ar-aramidem ti amin a kabaelam a regular a makiraman iti trabaho a panangasaba.
Supsuportaram ken sursurotem dagiti instruksion “ti matalek ken masirib nga adipen.”—Mateo 24:45-47.
Indedikarmon ti bagim ken Jehova babaen ti kararag ken kayatmo ti agserbi kenkuana iti agnanayon.
No mariknam a nakasaganakan nga agpabautisar, mabalin a kaduaennaka ti mangyad-adal kenka iti Biblia nga umasideg kadagiti panglakayen tapno maammuam dagiti mabalinmo nga aramiden tapno makualipikarka.
