Wisha nuna najanamniashitiaj?
Testigos de Jehová ainiajai etserkamniakaitiaj?
Yuusa chichame iijiai etserkattsam ju turatniuitme:
Yuusa chichame tuke unuimiatratniuitme, Yuus tuke seatniuitme, iruntainmasha tuke pachinkiatniuitme.
Unuimiamna nu nekasaiti tu enentaimsatniuitme. Ame unuimiamna nu chikich aentscha ujaktin wakeritniuitme.
Jehová aneastiniaitme tura Jehovan umirainiajai shiir amajnaisatniuitme.
Politicanam pachinkiashtiniaitme, turutskesha antar religionnum pachitkia achatniuitme.
Yuusa chichame tana nu umiktiniaitme, tura Testigo de Jehová ajastin wakeritniuitme.
Iijiai Yuusa chichame etserkattsam wakerakminkia amin unuitiameana nu uuntri anaikiamu ainiana nuna ujakartatui. Tura uuntri anaikiamu ainiana nu Yuusa chichame etserkamniashitiam tusar nekaattsar amijiai iruntrartatui.
Imianminiashitiaj?
Imiantiasam wakerakmeka ju turatniuitme:
Testigos de Jehovajai etserin atiniaitme.
Yuusa chichame tuke nukap etserkata.
Esetar enentaimias penker takakmau tana nu umiktiniaitme (Matéu 24:45-47).
Jehová seakum sumamatniuitme nuyasha Jehovan tuke enentaimtin atasam wakeritniuitme.
Imianminiaitkiumninkia ame unuitiameana nu uuntri anaikamu ainiana nuna ujaktatui. Tura uuntri anaikiamu ainiana nu imianminiashitiam tusar amijiai aujmattiasar iruntrartatui.
