Ngai Jin Sai Kun?
Nawku Hpung Hte Rau Hkaw Tsun Na Matu Ngai Jin Sai Kun?
Lawu na lam ni hpe galaw taw sai nga yang, hkalup n hkam shi ai hkaw tsun masha byin na matu jin jin rai nga na re.
Chyum Laika hkaja ai, akyu hpyi ai, nawku zuphpawng lung ai lam ni hpe ayan galaw ai.
Nang chye wa ai lam ni hpe manu shadan ai, kam ai. Dai lam hpe kaga ni hpe tsun dan mayu ai.
Yehowa hpe tsawra nna, shi hpe tsawra ai ni hpe manang hku nna lata ai.
Mung masa lam ni, shut shai ai nawku htung ni hta n shang lawm sai.
Yehowa a tsang madang ni hte maren asak hkrung nna, Yehowa Sakse langai byin mayu ai.
Nawku hpung hte rau hkaw tsun na matu nang jin sai nga yang, atsam hpring ai, n hpring ai hpe chye lu hkra, myitsu salang ni hte hkrum ya na matu, Chyum Laika sharin ya ai wa gaw lajang ya na re.
Hkalup Hkam Na Matu Ngai Jin Sai Kun?
Lawu na lam ni hpe galaw taw sai nga yang, hkalup hkam na matu jin jin rai nga na re.
Nang gaw hkalup n hkam shi ai hkaw tsun masha rai sai.
Nang gaw hkaw tsun bungli hta dang lu ai daram ayan shang lawm nga sai.
Nang gaw “sadi ai hte myit su ai mayam” hpe madi shadaw nna, shanhte a lam matsun ni hpe hkan sa nga sai.—Mahte 24:45-47.
Yehowa kaw akyu hpyi nna, tinang hkum tinang apnawng ngut sai. Shi hpe prat tup nawku mayu sai.
Hkalup hkam na matu nang jin sai nga yang, atsam hpring ai, n hpring ai hpe chye lu hkra, myitsu salang ni hte hkrum ya na matu, Chyum Laika sharin ya ai wa gaw lajang ya na re.
