Nyie Nĩnĩyũmbanĩtye?
Nyie Nĩnĩyũmbanĩtye Kũtavanyʼa na Kĩkundi?
Nũtonya kwĩthĩwa wĩyũmbanĩtye kũtavanyʼa na kĩkundi ethĩwa . . .
Nĩwĩmanyĩasya Mbivilia ũte kũtĩĩa, nũvoyaa, na nũendaa maũmbanonĩ ma kĩkundi.
Nĩwendete na nũĩkĩĩaa maũndũ ala ũendeee kwĩmanyĩsya, na wĩ na mea ma kũtavya angĩ ĩũlũ wamo.
Nũmwendete Yeova na ũnyuvĩte ala mamwendete methĩwe anyanya maku ma vakuvĩ.
Nĩ umĩte vyũ syamanĩ sya siasa kana ikundinĩ ingĩ sya ndĩni.
Nĩwĩkalaa kwosana na myolooto ya Yeova na wĩ na mea ma kũtwʼĩka Ngũsĩ ya Yeova.
Ethĩwa nũkwĩwʼa wĩyũmbanĩtye kũtavanyʼa na kĩkundi, mwalimũ waku wa Mbivilia no avange mũkomane na atumĩa ma kĩkundi nĩ kana mũneenee ũndũ ũtonya kwĩka nĩ kana wambĩĩe kwĩka ou.
Nĩnĩyũmbanĩtye Kũvatiswa?
Nũtonya kwĩthĩwa wĩyũmbanĩtye kũvatiswa ethĩwa . . .
Wĩ mũtavanyʼa ũte mũvatise.
Nũtavanasya ũte kũtĩĩa kwosana na ũtonyi waku.
Nũkwataa mbau na kũatĩĩa maũndũ ala twatavwʼa nĩ “ngombo ndĩkĩĩku na mbũĩ.”—Mathayo 24:45-47.
Nĩwĩyumĩtye kwa Yeova kwĩsĩla mboya na nũkwenda kũmũthũkũma tene na tene.
Ethĩwa wĩĩwʼa wĩyũmbanĩtye kũvatiswa, mwalimũ waku wa Mbivilia no avange mũkomane na atumĩa nĩ kana mũneenee ũndũ ũtonya kwĩka ou.
