Сыхьэзыр?
Зэхуэсым и гъусэу хъыбарыфІыр згъэІуну сыхьэзыр?
Зэхуэсым и гъусэу хъыбарыфІыр бгъэІуну ухьэзырщ:
зэпымыууэ Библиер бджымэ, Алыхьым тхьэлъэІукІэ зыхуэбгъазэмэ, зэІущІэхэм укІуэмэ;
Библием къыщыпщІэр уи фІэщ хъурэ, адрейхэм абыкІэ уадэгуэшэну гукъыдэж уиІэмэ;
Иеговэ фІыуэ плъагъумэ икІи ар фІыуэ зылъагъухэр бгъэныбжьэгъумэ;
политикэм е дин нэпцІым епха организацэ гуэрым ухэмытмэ;
Алыхьым и хабзэхэм утету упсэумэ икІи Иеговэ и Щыхьэт ухъуну ухуеймэ;
Зэхуэсым и гъусэу хъыбарыфІыр бгъэІуну ухьэзыру къэплъытэмэ, Библием уезыгъаджэр зэхуэсым и нэхъыжьхэм гурыІуэнущ фызэхуэзэу а упщІэм фытепсэлъыхьыну. Зэхуэсым и нэхъыжьхэм зэхагъэкІынущ а лэжьыгъэм ухэтыну пэж дыдэу ухуэхьэзыррэ ухуэмыхьэзыррэ.
Псым зыщІэзгъэуэну сыхьэзыр?
Псым зыщІэбгъэуэну ухьэзырщ:
зэхуэсым и гъусэу хъыбарыфІыр бгъэІун щІэбдзамэ;
уи къарум къызэрихькІэ мазэ къэс хъыбарыфІыр бгъэІумэ;
«зэхэщІыкІ иІэрэ, зыщыгугъ хъун унэІутым» ирихьэкІ лэжьыгъэр дэпІыгъмэ икІи абы и унафэхэм утетмэ (Маттэ 24:45—47);
Иеговэ зыхуэбгъазэу, уи гъащІэр абы и ІэмыщІэ иплъхьамэ икІи игъащІэ псокІэ абы ухуэлэжьэну ухуеймэ.
Псым зыщІэбгъэуэну ухьэзыру къэплъытэмэ, Библием уезыгъаджэр зэхуэсым и нэхъыжьхэм гурыІуэнущ фызэхуэзэу а упщІэм фытепсэлъыхьыну. Зэхуэсым и нэхъыжьхэм зэхагъэкІынущ псым зыщІэбгъэуэну пэж дыдэу ухьэзыррэ умыхьэзыррэ.