A Nda ka Zwibaakanya?
A Ndi mu Chimo Che ku Rera ne Gubungano?
U nowo be wa zwibaakanyila ku be nreri u sa ka dubikiwa ha u . . .
Dwilila u zwidiya Baibili, tembezela, ne ku be po ku zwidiyo zwe gubungano.
Bokela ne ku dumila cha u no zwidiya ne ku shaka ku chi budza bangwe.
Da Jehova, ne ku shalula ba no nda ku be bakhwinya babo ba pejo.
Kwala likwalo gu no lakidza kuti wa misa ku be nngwe we party ye polotiki kene we budumili gwe manyepkhwa.
Chila ku yendidzana ne milayo ya Jehova ye mazwibato kakale u shaka ku be nngwe we Bafakazi ba Jehova.
Ha u zwiwa kuti wa chi zwibaakanyila ku rera ne gubungano, u no ku diya Baibili u nga thama kuti u shangane ne bakugwana kuti mu lebesane ne kwe, se kwa u nga fanilika.
A Ndi mu Chimo Che ku Dubikiwa?
U nowo be wa zwibaakanyila ku dubikiwa ha . . .
Uli nreri u sa ka dubikiwa.
U dwilila u thama nshingo we ku rera kwa ka paphidzika se kwa u nga khona.
U teedza ne ku tobela ndayilo ye “nlanda unogagwabgwe, wakatjenjela.”—Matewu 24:45-47.
Wa zwipa mu na Jehova ne ntembezelo, kakale u shaka ku nshingila cha chose.
Ha u zwiwa kuti wa chi zwibaakanyila ku dubikiwa, u no ku diya Baibili u nga thama kuti u shangane ne bakugwana kuti mu lebesane ne kwe, se kwa u nga fanilika.
