Nguvele tayali?
Nguvele tayali pakulota kwandadya ntenga pamo na shipinga?
Wako unkuulula kuva nkwándadya ntenga ákanava kubatishwa ikava kenga . . .
Unkushomya Ibibiliya, unkushwali na ngwengwe unkupagwa ku mikutano vya pashipinga.
Unkunagwaledya umwiu, unkwamini vyaulipundisha na unkulota uvaulile vanu vanji vinu vyamu Ibibiliya.
Unkunnagwaledya Yeova na unkuvatandola vambodi pakati pa avalá vannagwaledya nae.
Haunatenda shinu imbande yashiyasha au idini yakushang’apa.
Unkunama kulingana na malamulo ákabadilika lamwe Yeova na unkulota uve Nshaidi umwe Yeova.
Ukona kenga uvele tayali pakulota kwandadya ntenga pamo na shipinga, mwalimu wako wa Ibibiliya andatenda mpango pakulota mwimang’anange na vanang’olo vashipinga pakulota vamanye ikava kenga unkuulula kuva nkwándadya ntenga
Nguvele tayali pakulota kubatishwa?
Wako unkuulula kubatishwa ikava kenga . . .
Unkwandadya ntenga úkanava kubatishwa.
Unkupagwa ngwengwe ku kwandadya ntenga kulingana na amula mwaulyululila.
Unkungila nkono na unkwigwilila midimu vya “ntumika wakukulupilika na wading’ano.”—Mateu 24:45-47.
Undilijaula kumwe Yeova mukushwali na unkulota untumikile nae ngwengwe.
Ikava kenga uvele tayali pakulota kubatishwa, mwalimu wako wa Ibibiliya ankuulula kutenda mpango pakulota mwimang’anange na vanang’olo vashipinga, pakulota vamanye ikava kenga wako uvele tayali kubatishwa.
