Hihi nĩ Ndĩhaarĩirie?
Hihi nĩ Ndĩhaarĩirie Kũhunjia Hamwe na Kĩũngano?
No ũkorũo wĩhaarĩirie gũtuĩka mũhunjia ũtarĩ mũbatithie angĩkorũo nĩ . . .
Wĩrutaga Bibilia ũtegũtĩĩrĩria, ũkahoya, na ũgathiĩ mĩcemanio.
Ũkenagĩra maũndũ marĩa wĩrutaga na ũkametĩkia na nĩ ũrenda kũmenyithia andũ arĩa angĩ maũndũ macio.
Wendete Jehova na ũthuuraga arata aku a hakuhĩ kuuma harĩ andũ arĩa mamwendete.
Ũtigĩte gũtuĩka mũrũmĩrĩri wa ithondeka o rĩothe rĩa gĩũteti kana rĩa kĩĩndini.
Ũtũũraga kũringana na ithimi cia Jehova na nĩ ũrenda gũtuĩka Mũira wa Jehova.
Angĩkorũo nĩ ũrona atĩ nĩ wĩhaarĩirie kũhunjia hamwe na kĩũngano, mwarimũ waku wa Bibilia no abange mũcemanie na athuri a kĩũngano nĩguo mwarĩrĩrie ũrĩa ũngĩagĩrĩra.
Hihi nĩ Ndĩhaarĩirie Kũbatithio?
No ũkorũo wĩhaarĩirie kũbatithio angĩkorũo nĩ . . .
Ũtuĩkĩte mũhunjia ũtarĩ mũbatithie.
Ũnyitanagĩra wĩra-inĩ wa kũhunjia o ũrĩa wothe ũngĩhota.
Ũnyitaga mbaru “ngombo ĩrĩa njĩhokeku na njũgĩ” na ũkarũmĩrĩra ũtongoria wayo.—Mathayo 24:45-47.
Wĩyamũrĩire Jehova kũgerera mahoya na nĩ ũrenda kũmũtungatĩra tene na tene.
Angĩkorũo nĩ ũrona atĩ nĩ wĩhaarĩirie kũbatithio, mwarimũ waku wa Bibilia no abange mũcemanie na athuri a kĩũngano nĩguo mwarĩrĩrie ũrĩa ũngĩagĩrĩra.
