Тимдезім ме?
Ӧменең хада Худай сӧзін искірерге тимдезім ме?
Кіреске тӱспеен искірігҷі полар ӱчӱн...
сыбыра Библияны хығырарға, пазырарға паза ӧме чыылығларына чӧрерге кирек;
піліп алған нимелерге киртінерге, оларны аарлыға санирға паза олардаңар пасхаларына чоохтирға хынарға кирек;
Иеговаа хынарға паза ағаа хынчатхан кізілернің аразында чағын нанҷыларны тілирге кирек;
хайдағ-да политическай алай религиознай организацияның чардығы полбасха кирек;
Иегованың нормаларынҷа чуртирға паза Иегованың киречізі поларға хынарға кирек.
Сірер ӧменең хада Худай сӧзін искірерге тимдебін тіп санапчатсар, Библия ӱгредиин апарчатхан кізі ах сағалларнаң тоғазып аларға чоохтазып алар. Олар сірер тимдезер бе алай чох па пӧгін аларлар.
Кіреске тӱзерге тимдезім ме?
Кіреске тӱзіп алар ӱчӱн...
кіреске тӱспеен искірігҷі поларға кирек;
искіріг тоғызында, прай кӱс салып, аралазарға кирек;
«ізестіг паза хыйға нымысчаа» хабазарға паза аның устағларынҷа тудынарға кирек (Матфей 24:45—47);
пазырыста Иеговаа пирін саларға паза мӧгі тус ағаа нымысчыланарға хынарға кирек.
Сірер кіреске тӱзерге тимдебін тіп санапчатсар, Библия ӱгредиин апарчатхан кізі ах сағалларнаң тоғазып аларға чоохтазып алар. Олар сірер тимдезер бе алай чох па пӧгін аларлар.
