តើខ្ញុំត្រៀមខ្លួនហើយឬនៅ?
តើខ្ញុំត្រៀមខ្លួនដើម្បីផ្សព្វផ្សាយជាមួយនឹងក្រុមជំនុំហើយឬនៅ?
អ្នកប្រហែលជាបានត្រៀមខ្លួនរួចហើយ ដើម្បីទៅជាអ្នកផ្សព្វផ្សាយដែលមិនទាន់ទទួលការជ្រមុជទឹក បើអ្នក . . .
សិក្សាគម្ពីរ អធិដ្ឋាន និងចូលរួមកិច្ចប្រជុំក្រុមជំនុំជាទៀងទាត់។
ឲ្យតម្លៃហើយជឿអ្វីដែលអ្នកកំពុងរៀន ព្រមទាំងចង់ប្រាប់អ្នកឯទៀតអំពីរឿងនោះ។
ស្រឡាញ់ព្រះយេហូវ៉ា ហើយសម្រេចចិត្តយកអស់អ្នកដែលស្រឡាញ់លោកធ្វើជាមិត្តជិតស្និទ្ធ។
ដកឈ្មោះឈប់ធ្វើជាសមាជិករបស់ក្រុមនយោបាយឬសាសនាមិនពិត។
រស់នៅស្របតាមខ្នាតតម្រាព្រះយេហូវ៉ា ហើយចង់ទៅជាសាក្សីរបស់លោក។
បើអ្នកគិតថាអ្នកបានត្រៀមខ្លួនរួចហើយដើម្បីផ្សព្វផ្សាយ នោះអ្នកបង្រៀនអាចរៀបចំឲ្យអ្នកជួបពួកអ្នកចាស់ទុំ។ យ៉ាងនេះ ពួកគាត់អាចប្រាប់អ្នកអំពីអ្វីខ្លះដែលអ្នកត្រូវធ្វើដើម្បីទៅជាអ្នកផ្សព្វផ្សាយ។
តើខ្ញុំត្រៀមខ្លួនដើម្បីទទួលការជ្រមុជទឹកហើយឬនៅ?
អ្នកប្រហែលជាបានត្រៀមខ្លួនរួចហើយដើម្បីទទួលការជ្រមុជទឹក បើអ្នក . . .
ជាអ្នកផ្សព្វផ្សាយដែលមិនទាន់ទទួលការជ្រមុជទឹក។
ចូលរួមផ្សព្វផ្សាយជាទៀងទាត់ឲ្យបានច្រើនតាមដែលអាចធ្វើបាន។
គាំទ្រនិងធ្វើតាមការណែនាំរបស់«ខ្ញុំបម្រើដ៏ស្មោះត្រង់ហើយចេះពិចារណា»។—ម៉ាថាយ ២៤:៤៥-៤៧
បានអធិដ្ឋានប្រគល់ខ្លួនជូនព្រះយេហូវ៉ា និងចង់បម្រើលោកជារៀងរហូត។
បើអ្នកគិតថាអ្នកបានត្រៀមខ្លួនរួចហើយដើម្បីទទួលការជ្រមុជទឹក នោះអ្នកបង្រៀនអាចរៀបចំឲ្យអ្នកជួបពួកអ្នកចាស់ទុំ។ យ៉ាងនេះ ពួកគាត់អាចប្រាប់អ្នកអំពីអ្វីខ្លះដែលអ្នកត្រូវធ្វើដើម្បីទទួលការជ្រមុជទឹក។