Әз Һазьр ьм?
Әз Һазьр ьм Тʹәви Щьвате Хьзмәт кьм?
Сәва кӧ бьби мьзгинване нәньхӧманди, ван тьшта бькә:
Тʹьме Кʹьтеба Пироз леколин кә, дӧа бькә у һәрʹә щьвата.
Баԝәр бькә у ԛимәт кә ԝан тьшта, чь кӧ педьһʹәси у ӧса жи мәрьвед дьнрʹа гьли кә.
Йаһоԝа һʹьз бькә у тʹәви мәрьвед ӧса һәвалтийе бькә, кʹижан кӧ Ԝи һʹьз дькьн.
Хԝә дур бьгьрә жь тʹәшкиләтед политики у религийа ԛәлп.
Ль гора принсипед Йаһоԝа бьжи у бь хԝәстьна хԝә бьбә Шәʹде Йаһоԝа.
Һәрге тӧ дьфькьри, кӧ ида һазьр и тʹәви щьвате хьзмәт ки, бежә дәрсдаре хԝә у әԝ ԝе тʹәви рʹуспийа хәбәр дә, ԝәки һун рʹасти һәв бен у әве пьрсе шеԝьр кьн.
Әз Һазьр ьм Бемә Ньхӧмандьне?
Пешийа кӧ бейи ньхӧмандьне, тӧ гәрәке ван тьшта бьки:
Бьбә мьзгинване нәньхӧманди.
Чьԛас дькари мьзгинийе бәла кә.
Пьштгьрийа «хӧламе амьн у сәрԝахт» бькә, у пәй рʹебәрийа ԝан һәрʹә (Мәтта 24:45-47).
Дӧакьрьнеда хԝә тʹәсмили Йаһоԝа кә у бьра хԝәстьна тә һәбә, һʹәта-һʹәтайе ԝирʹа хьзмәт ки.
Һәрге тӧ дьфькьри, кӧ ида һазьр и бейи ньхӧмандьне, бежә дәрсдаре хԝә у әԝ ԝе тʹәви рʹуспийа хәбәр дә, ԝәки һун рʹасти һәв бен у әве пьрсе шеԝьр кьн.
