I Suliŋ Pa?
I Suliŋ Pa le Yooŋgu Kɛndɔɔ Dimioo a Kundaa Latulu?
A tiuba ma suliŋ le simnɔŋndo wana dimiaa yooŋgu kɛndɛ yiŋndɔ le wo . . .
Te a wa pɛ Baabuiyo pɛɛkoo lepaa o lepaa, piɛileŋ, a bɔŋaŋnda leKilisiɔŋndaŋ biyɔɔ.
Te a hɛnaŋ pɛ nyɛ ŋ cho pɛɛkoo wo nduyɛ ma yeema le acheleŋnda ndu dimullo.
Te a kaala pɛ Chɛhowa nduyɛ ma tosa chaŋyɛi a wanaa kaala ndu wa.
Te a soli pɛ balaŋ o sɔɔŋ lemasa chieeŋndo niŋ ɔɔ kɔɔnala lepiɛi kɛ kɛ.
Te a wa pɛ sawala Chɛhowalaŋ biyɔɔ nduyɛ ma yeema le simnɔŋndo Sei Chɛhowaa.
Te a yiyaŋ pɛ maa a suliŋ le yooŋgu kɛndɔɔ dimioo a kundaa latulu, wana cho num Baabuiyo pɛɛkoo wo cho bɛnduaa dimul le ma suukaŋ a num le sinaa te a suliŋ.
I Suliŋ Pa le Yiŋɔɔ Sɔlaa?
A tiuba ma suliŋ le yiŋɔɔ sɔlaa . . .
Te a wa pɛ wana dimiaa yooŋgu kɛndɛ yiŋndɔ le wo.
Te a wa pɛ yooŋgu kɛndɔɔ dimioo lɔɔlɔɔ mɛɛ ŋ nɔla yɛ.
Te a toolu pɛ “buɛi cho sakpo, nduyɛ mbo wa buɛi taasi wo,” nduyɛ ma tol nɛi ndɔ chɔmaa kɔɔli.—Maatiu 24:45-47.
Te a yɔŋguŋ pɛ o Chɛhowa lo o piɛileŋ niŋ nduyɛ ma yeema le ndu piɛiyo lefafɛɛŋ.
Te a yiyaŋ pɛ maa a suliŋ le yiŋɔɔ, wana cho num Baabuiyo pɛɛkoo wo cho bɛnduaa dimul le ma tosa kɛɛsiaa ma suukaŋ a num le sinaa te a suliŋ.