Munu mebongama?
Munu mebongama samu na kusamuna kintuadi na kimvuka?
Nge lenda bongama samu na kukuma nsamuni yina baka ntete ve mbotama kana nge . . .
Kelongukaka Biblia mbala na mbala, kesambilaka, mpe kekuendaka na balukutakanu ya kimvuka.
Kezolaka mpe kendimaka mambu yina nge kelongukaka mpe nge kezolaka kukabula yau na bantu yankaka.
Kezolaka Yehova mpe nge keponaka bankundi na nge kati na bantu yina kezolaka yandi.
Mekatuka mvimba mvimba na bimvuka ya politiki to na mabundu ya luvunu.
Kena kuzinga na kulandaka minsiku ya Yehova mpe nge zola kukuma mosi ya Bambangi ya Yehova.
Kana nge memona ti nge mebongama samu na kusamuna kintuadi na kimvuka, nlongisi na nge ya Biblia lenda baka bankubukulu samu nge kutana na bankulutu samu batadila nge kana nge mekokisa mambu yina kelombamaka.
Munu mebongama samu na kubaka mbotama?
Nge lenda bongama samu na kubaka mbotama kana nge . . .
Kele nsamuni yina baka ntete ve mbotama.
Kesamunaka mingi mbala na mbala na kutadilaka makoki na nge.
Nge kepesaka maboko mpe nge kelandaka lutuadusu ya ‘nanga ya kukuikama mpe ya mayele.’—Matayo 24:45-47.
Nge mekukipesa nge mosi na Yehova na nzila ya kisambu mpe nge zola sadila yandi mvimba mvimba.
Kana nge memona ti nge mebongama samu na kubaka mbotama, nlongisi na nge ya Biblia lenda baka bankubukulu samu nge kutana na bankulutu samu batadila nge kana nge mefuana kubaka mbotama.
